ދޮންދީދީ އައްސުލްޠޯން މުޙައްމަދު ޣިޔާސުއްދީން، ޙާޖީ ބަންޑާރައިން / ޝަހީދުކުޅަ ބަންޑާރައިންގެ ފަސް ވަނަ ކާފަ ދަރިކަނބަލުންނެވެ. އެކަމަނާއަކީީ މިހާތަނަށް ދިޔަމިގިލީ ރަސްދަރިކޮޅުން ދުނިޔޭގައި އިންނެވި އެންމެ ދުވަސްވީ ބޭފުޅާ އެވެ.
ރައްޔިތުންގެ މަޖިލީހުގެ ކުރީގެ ރައީސް އަދި ކުރީގެ ވަޒީރު ސީނާ އަހުމަދު ޒާހިރުގެ މަންމާފުޅު އައިޝަތު ލަތީފާ (ދޮންދީދީ) އަވަހާރަ ވެއްޖެ އެވެ.
ރޭ އެކަމަނާ އަވަހަރާވީ އުމުރުފުޅުން 89 އަހަރުގައި ގާތްގަނޑަކަށް 9:30 އެހާކަންހާއިރު އެވެ. އެކަމަނާގެ ޖަނާޒާ ބާއްވާފައި ވަނީ ރޭ މެންދަމު އެވެ.
އެކަމަނާއަކީ ކުރީގެ ގާޒީ، އަދި ކުރީގެ ރައްޔިތުންގެ މަޖިލީހުގެ މެންބަރު، އައްޝައިހް އަބްދުﷲ ޒުހުރީގެ ހުވަފަތް އަނބިކަނބަލުންނެވެ. އަދި ރައްޔިތުންގެ މަޖިލީހުގެ ކުރީގެ ރައީސް / ކުރީގެ ވަޒީރު / މަޝްހޫރު ނޫސްވެރިޔާ ސީނާ އަހުމަދު ޒާހިރުގެ ލޮބުވެތި މަންމާފުޅުގެ އިތުރުން ސުޕްރީމު ކޯޓުގެ ފަނޑިޔާރު ޑރ. އަޒުމިރަލްދާ ޒާހިރުގެ ލޮބުވެތި މާމާފުޅެވެ.
ދޮންދީދީއަކީ އައްސުލްތޯން މުޙައްމަދު ޣިޔާސުއްދީން، ޙާޖީ ބަންޑާރައިން / ޝަހީދުކުޅަ ބަންޑާރައިންގެ ފަސް ވަނަ ކާފަ ދަރިކަނބަލުންނެވެ. އެކަމަނާއަކީީ މިހާތަނަށް ދިޔަމިގިލީ ރަސްދަރިކޮޅުން ދުނިޔޭގައި އިންނެވި އެންމެ ދުވަސްވީ ބޭފުޅާ އެވެ. މީގެ އިތުރުން އެކަމަނާއަކީ ވަރަށް މަޝްހޫރު ބޭސްވެރި އާއިލާއެއްގެ ދިވެހި ބޭސްވެރިއެއް ވެސް މެއެވެ.