އެސްޓީއޯ ހިއްސާއަކަށް 80 ރުފިޔާ ބަހަން ހުށަހަޅަނީ
އެސްޓީއޯއިން މިއަދު ކުރި އިއުލާނެއްގައި ބުނީ މި އަދަދަކީ 17 އަހަރު ތެރޭގައި އެ ކުންފުނިން ހިއްސާގެ ފައިދާގެ ގޮތުގައި ހިއްސާދާރުންނަށް ބަހާ އެންމެ ބޮޑު އަދަދު ކަމަށެވެ.
އެސްޓީއޯގެ ހިއްސާދާރުންނަށް ފާއިތުވި އަހަރު އެ ކުންފުންޏަށް ލިބުނު ފައިދާއިން 80 ރުފިޔާގެ މަގުން ޑިވިޑެންޑު ބެހުމަށް އާންމު ޖަލްސާއަށް ހުށަހަޅަން ކުންފުނީގެ ބޯޑުން ފާސްކޮށްފި އެވެ.
އެސްޓީއޯއިން މިއަދު ކުރި އިއުލާނެއްގައި ބުނީ މި އަދަދަކީ 17 އަހަރު ތެރޭގައި އެ ކުންފުނިން ހިއްސާގެ ފައިދާގެ ގޮތުގައި ހިއްސާދާރުންނަށް ބަހާ އެންމެ ބޮޑު އަދަދު ކަމަށެވެ.
ފާއިތުވި އަހަރު އެސްޓީއޯއަށް 16.4 ބިލިއަން ރުފިޔާގެ އާމްދަނީއެއް ލިބުނެވެ. ހިންގުމުގެ ހަރަދުތައް ނުހިމަނައި ފައިދާގެ ގޮތުގައި 1.3 ބިލިއަން ރުފިޔާ ލިބުނުއިރު، ސާފު ފައިދާގެ ގޮތުގައި 819 މިލިއަން ރުފިޔާ ލިބިފައިވެ އެވެ.
އެސްޓީއޯއިން ކުރިން ކަނޑައެޅި ތާރީހަށްވުރެ ކުންފުނީގެ އަހަރީ ރިޕޯޓު އާންމުކުރުމާއި، ކުންފުނީގެ އަހަރީ ޖަލްސާ ބޭއްވުން ލަސްކުރީ، އެ ކުންފުނީގެ ސަބްސިޑިއަރީ ކުންފުންޏެއްކަމަށްވާ އެލައިޑް އިންޝިއުރެންސްގެ ހިސާބުތައް ނިންމުން ލަސްވުމުންނެވެ.
މިހާރު އެ ކުންފުނިން ބުނެފައިވަނީ މި މަހުގެ 15 ވަނަ ދުވަހު ކުންފުނީގެ އަހަރީ ރިޕޯޓު އާންމުކޮށް ޝާއިއުކުރާނެ ކަމަށެވެ. އަދި ޖުލައި މަހުގެ 15 ވަނަ ދުވަަހުގައި ކުންފުނީގެ އާންމު ޖަލްސާ ބޭއްވުމަށް ނިންމާފައިވާ ކަމަށެވެ.
ފާއިތުވި ހަފުތާގައި ބޭއްވި ހިއްސާދާރުންގެ ނުރަސްމީ ބައްދަލުވުމެއްގައި އެސްޓީއޯއިންވަނީ އަހަރީ ރިޕޯޓު އާންމުކުރުމާއި، އާންމު ޖަލްސާ ބޭއްވުމަށް އެ ކުންފުނިން ވަމުންދާ ތައްޔާރީތަކާ ގުޅޭ އަދާހަމަ މައުލޫމާތު ހިއްސާދާރުންނާ ހިއްސާކޮށްފަ އެވެ.
ކޮމެންޓް
Republic of Maldives