މިނާގައި ރޭ ކުރުމަށްފަހު ރޭގެ ވަގުތެއްގައި ދިވެހި ހައްޖުވެރިން އަރަފާތު ބިމަށް ދަތުރުކުރަން ފެށީ 24 ބަހުގައި ކަމަށް ދިވެހި ހައްޖު މިޝަނުން ބުނެފައިވެ އެވެ.
މި އަހަރުގެ ހައްޖުގެ މަތިވެރި އަޅުކަން އަދާކުރުމަށް ސައުދީއަށް ދިޔަ ދިވެހި ހުރިހާ ހައްޖުވެރިން އަރަފާތު ބިމަށް ވާސިލުވެއްޖެ އެވެ.
މިނާގައި ރޭ ކުރުމަށްފަހު ރޭގެ ވަގުތެއްގައި ދިވެހި ހައްޖުވެރިން އަރަފާތު ބިމަށް ދަތުރުކުރަން ފެށީ 24 ބަހުގައި ކަމަށް ދިވެހި ހައްޖު މިޝަނުން ބުނެފައިވެ އެވެ. ހައްޖުގެ އެންމެ މުހިއްމު ރުކުންކަމަށްވާ އަރަފާތު ބިމުގައި ތިބުމުގެ ރުކުން އަދާކުރުމަށް ހައްޖުވެރިން ކުރި ދަތުރު ފުރިހަމަކޮށް މިހާރު ހުރިހާ ހައްޖުވެރިން ތިބީ އަރަފާތުގައި ކަމަށް އިސްލާމިކް މިނިސްޓަރު ޑރ.މުހައްމަދު ޝަހީމް އަލީ ސައީދު ވިދާޅުވެފައިވެ އެވެ.
މިފަހަރު ހައްޖުގެ އަޅުކަމަށް ރާއްޖެއިން ގޮސްފައިވަނީ 1،115 މީހުންނެވެ. ސައުދީން ރަސްމީކޮށް ރާއްޖެއަށް މި ފަހަރު ހަމަޖައްސައިދިން 1،000 ކޯޓާގެ އިތުރަށް ފަހުން 115 ކޯޓާ ދީފައިވެ އެވެ.
މިފަހަރު ރާއްޖެއިން ހައްޖަށް ދިޔަ އެންމެންވެސް ދިޔައީ ހައްޖު ކޯޕަރޭޝަނުގެ ހަވާލުގަ އެވެ. ސައުދީން ރާއްޖެއަށް ހަމަޖެއްސި ހުރިހާ ކޯޓާއެއް މިފަހަރު ދިނީ ހައްޖު ކޯޕަރޭޝަނަށެވެ. ހައްޖުވެރިންގެ ތެރެއިން 50 މީހުންނަކީ ސަރުކާރުގެ ހަރަދުގައި ހައްޖަށް ދިޔަ ނިކަމެތިންނެވެ.
ހައްޖު ދުވަހު އަރަފާތުގައި ހޫނުމިން ހުންނާނެކަމަށް ލަފާކުރެވެނީ 40 ޑިގުރީ ސެލްސިއަސްއަށްވުރެ މަތީގަ އެވެ. އެހެންކަމުން ހައްޖުވެރިން އެކަމަށް ސަމާލުވެ ގިނަގިނައިން ފެން ބުއިމަށާއި، ހޫނުން ރައްކާތެރިވުމުގެ ފިޔަވަޅުތައް އެޅުމަށް ހައްޖު މިޝަނުން އިލްތިމާސްކޮށްފައިވެ އެވެ.
ގޮސްފިއެއްނޫން ހިނގައްޖެ.