ތިން ރަށެއްގެ ބައި-އިލެކްޝަންގެ ވޯޓުލުން ފެށިއްޖެ
މި ބައި-އިލެކްޝަންތަކުގެ ވޯޓުލުން ފެށުނީ މިއަދު މެންދުރު 14:00 ގައެވެ. ވޯޓުލުން ނިންމައިލާނީ ރޭގަނޑު 8:00 ގައެވެ.
މިއަދު ވޯޓުލުން ބާއްވަނީ ދ.ކުޑަހުވަދޫއާއި، ލ.ގަމާއި، މ.މުލަކުގަ އެވެ. މި ބައި-އިލެކްޝަންތަކަކީ އެ ރަށްރަށުގެ ކައުންސިލުތަކުން ހުސްވެފައިވާ މަގާމުތަކަށް ބޭފުޅުން އިންތިހާބުކުރަން ބާއްވާ ބައި-އިލެކްޝަންތަކެވެ.
މިއަދުގެ ބައި-އިލެކްޝަންތަކުގެ ތަފުސީލު
- ދ.ކުޑަހުވަދޫ ކައުންސިލުގެ ރައީސް އިންތިހާބު ކުރާ ބައި-އިލެކްޝަން
- ލ.ގަމު ކައުންސިލަށް މެންބަރަކު އިންތިހާބުކުރާ ބައި-އިލެކްޝަން
- މ.މުލަކު ކައުންސިލުގެ އަންހެން މެންބަރު އިންތިހާބުކުރާ ބައި-އިލެކްޝަން
މިއަދު ބާއްވަމުންދާ ބައި-އިލެކްޝަންތައް ބޭއްވުމަށް ފުރަތަމަ ކަނޑައެޅި ތާރީހަކީ މި މަހުގެ ފަނަރަވަނަ ދުވަހެވެ. ނަމަވެސް ސައުދީ އަރަބިއްޔާއަށް ހައްޖު މަހުގެ ހަނދު ފެނި، 15 ޖޫންއަކީ މި އަހަރުގެ ހައްޖު ދުވަސްކަމަށް ކަނޑައެޅުމުން އިންތިހާބު އަވަސްކުރީއެވެ.
މި ބައި-އިލެކްޝަންތަކުގެ ވޯޓުލުން ފެށުނީ މިއަދު މެންދުރު 14:00 ގައެވެ. ވޯޓުލުން ނިންމައިލާނީ ރޭގަނޑު 8:00 ގައެވެ.
މިއަދު ކުރިއަށްދާ ބައި-އިލެކްޝަންތަކުގައި ވެރިކަންކުރާ ޕީއެންސީއާއި އިދިކޮޅު މައި ޕާޓީކަމަށްވާ އެމްޑީޕީގެ ކެންޑިޑޭޓުން ވާދަކުރައްވާނެ އެވެ.
ކޮމެންޓް
Republic of Maldives