ތިލަފުށީ ބިމެއްގައި ހުރި ތަކެތި ނަގަން އަންގައިފި
ނަމަވެސް ވެރިފަރާތް ނޭންގޭ އެކްސެވޭޓަރެއް އެ ލޮޓްގެ ކުރިމަތީގައި އިތުމުގެ ސަބަބުން އެ ބިން ހުސްކުރުމުގެ މަސައްކަތަށް އުނދަގޫވާ ކަމަށް އެޗްޑީސީން ވަނީ ބުނެފަ އެވެ.
ކ. ތިލަފުށީގެ ބިން ނަންބަރު އެސް5-15 ގައި ގަވާއިދާ ހިލާފަށް ބަހައްޓާފައި ހުރި އުޅަނދުތަކާއި އެހެނިހެން ތަކެތި ނަގަން ހައުސިން ޑިވެލޮޕްމެންޓް ކޯޕަރޭޝަން (އެޗްސީޑީ) އިން އަންގައިފި އެވެ.
އެޗްޑީސީ އިން ކުރި އިއުލާނެއްގައި ބުނެފައި ވަނީ އެ ބިމަކީ މީހަކަށް ކުއްޔަށް ދީފައިވާ ބިމެއް ކަމަށެވެ. އެ ބިން އެފަރާތާ ހަވާލުކުރުމުގެ މަސައްކަތް އެ ކޯޕަރޭޝަނުން ފަށާފައިވާ ކަމަށެވެ.
ނަމަވެސް ވެރިފަރާތް ނޭންގޭ އެކްސެވޭޓަރެއް އެ ލޮޓްގެ ކުރިމަތީގައި އޮތުމުގެ ސަބަބުން އެ ބިން ހުސްކުރުމުގެ މަސައްކަތަށް އުނދަގޫވާ ކަމަށް އެޗްޑީސީން ވަނީ ބުނެފަ އެވެ.
އޭގެ ވެރިފަރާތުން އެ ކުންފުނީގެ ކޯލްސެންޓަރުގެ ހޮޓްލައިން، 1516 އަށް ގުޅާ މައުލޫމާތު ސާފު ކުރުމަށް އެޗްޑީސީން ވަނީ އެދިފަ އެވެ. އަދި 15 ދުވަސްތެރޭގައި އުޅަނދުތަކާއި ތަކެތި ނުނަގައިފިނަމަ، އެއީ ގަވާއިދާ ހިލާފަށް ދޫކޮށްލާފައިވާ އުޅަނދުތަކާއި ތަކެތި ކަމަށް ބަލައި، އެތަކެއްޗާމެދު އެ ކޯޕަރޭޝަނަށް ފެންނަ ގޮތަކަށް އަމަލު ކުރާނެ ކަމަށް ވެސް ވަނީ ބުނެފަ އެވެ.
ކޮމެންޓް
Republic of Maldives