މި އަހަރު ބަޖެޓްގެ އޯވަރޯލް ބެލެންސް ހުރީ 2.4 ބިލިއަން ރުފިޔާގަ އެވެ. ނަމަވެސް މިދިޔަ އަހަރު މި އަދަދު ހުރީ ފަސް ބިލިއަން ރުފިޔާގަ އެވެ.
މި އަހަރުގެ ބަޖެޓް ހަރަދު ކުރަމުން ދަނީ ކިހިނެއް ހެއްޔެވެ؟ ބަޖެޓުގެ ހަރަދު ދަތުރު މިހާރުގެ ނަމްބަރުގައި ބަހައްޓައިފިނަމަ މި އަހަރު ނިމޭއިރު ބަޖެޓުގެ އޯވަރޯލް ބެލެންސް ނުވަތަ ދައުލަތަށް ލިބޭ އާމްދަނީން ޖުމްލަ ހަރަދު ކެނޑުމުން ބާކީވާ އަދަދު އަހަރު ނިމޭއިރު ހުންނާނީ ކޮން ނަމްބަރެއްގައި ހެއްޔެވެ؟
މި ސުވާލުގެ ޖަވާބު ލިބެނީ ފިނޭންސުން އެންމެ ފަހުން ނެރުނު ހަފުތާގެ މާލީ ރިޕޯޓުންނެވެ. ފިނޭންސުން ހަފުތާ ހިސާބުތައް ދައްކާ ގޮތުގައި މި އަހަރު ބަޖެޓުގެ އޯވަރޯލް ބެލެންސް ނުވަތަ ދައުލަތަށް ލިބޭ އާމްދަނީން ޖުމްލަ ހަރަދު ކެނޑުމުން ބާކީވާ އަދަދު މިހާރުގެ ހުރި މަހުގައި ހޭދަ ކުރުން ދަތުރު ކުރާނަމަ މިދިޔަ އަހަރަށް ވުރެ ތިން ބިލިއަން ކުޑަކޮށް ހަރަދު ހުރުން ގާތެވެ.
މާލީ ހިސާބުތައް ދައްކާ ގޮތުގައި މިހާރު ބަޖެޓުގެ ޖުމްލަ ދަރަނީގެ ގޮތުގައި ހުރީ 2.4 ބިލިއަން ރުފިޔާ އެވެ. ނަމަވެސް މިދިޔަ އަހަރު ހުރީ ފަސް ބިލިއަން ރުފިޔާއަށް ވުރެ މަތީގަ އެވެ. އެހެންވެ މިއީ ގާތްގަނޑަކަށް ތިން ބިލިއަނެއްހާ ރުފިޔާގެ ކުޑަ ވުމެކެވެ. މި އަހަރު ބަޖެޓް ކޮށްފައި ވަނީ މި އަހަރު ބަޖެޓުގެ މި ފައިނޭންޝަލް މި ގެޕް 14 ބިލިއަން ރުފިޔާގައި ހުންނާނެ ކަމަށް އަންދާޒާ ކޮށްގެންނެވެ.
ބަޖެޓުގެ އޯވަރޯލް ބެލެންސުގެ އިތުރުން ބަޖެޓުގެ ޕްރައިމެރީ ބެލެންސް ނުވަތަ އޯވަރޯލް ބެލެންސުން އިންޓްރެސްޓުގެ ގޮތުގައި ދައްކާ ބައި އުނި ކުރުމުން ހުންނަ އަދަދު ވެސް މި އަހަރު ވަނީ ބޮޑު ތަނުން ކުޑަ ކޮށްފަ އެވެ. މިގޮތުން މި އަހަރު ޕްރައިމެރީ ބެލެންސް އަހަރު ނިމޭއިރު ހުންނާނެ ކަމަށް އަންދާޒާ ކޮށްފައި ވަނީ 8.8 ބިލިއަން ރުފިޔާގަ އެވެ.
މިދިޔަ އަހަރުގެ މި މުއްދަތާ ހަމައަށް ބަލާނަމަ ބަޖެޓުގެ ޕްރައިމެރީ ބެލެންސް ހުރީ ތިން ބިލިއަން ރުފިޔާގަ އެވެ. ނަމަވެސް މި އަހަރުގެ މިހާތަނަށް ޕްރައިމެރީ ބެލެންސް ވަނީ 851.1 މިލިއަން ރުފިޔާއަށް ކުޑަކޮށްފަ އެވެ.
ދައުލަތުގެ ހަރަދަށް ޒިންމާވުމުގެ ގާނޫނުގައި ދައުލަތުގެ ދަރަންޏާއި ޕްރައިމަރީ ބެލެންސް އަދި އޯވަރޯލް ބެލެންސް ވަކި މިންގަނޑެއްގައި ހިފެހެއްޓުމަށް ލާޒިމް ކޮށްފައި ވެއެވެ. ނަމަވެސް މިދިޔަ އަހަރުގެ ބަޖެޓުގައި އޯވަރޯލް ބެލެންސް ހުންނާނެ ކަމަށް އަންދާޒާ ކުރިވަރަށްވުރެ މައްޗަށް އުފުލިފައި ވެއެވެ.
މިގޮތުން މުސާރައާއި އިނާޔަތްތަކަށް ކުރާ ހޭދަ ވަނީ ބޮޑުވެފަ އެވެ. މީގެ އެއް ސަބަބަކީ ޕޭހާމައިޒޭޝަންއާއެކު މުސާރައިގެ ހަރަދު އިތުރުވުމާއި މުވައްޒަފުން ގިނަ ވުމެވެ. މީގެ އިތުރުން ލޯނު ދައްކަން ކުރާ ހޭދަ ވެސް މަތިވެފައިވެ އެވެ. އެގޮތުން ލޯނު ދައްކަން ކުރި ހޭދަ މިދިޔަ އަހަރު 988.2 މިލިއަން ރުފިޔާގައި ހުރިނަމަވެސް މިހާރު މި އަދަދު ވަނީ އެއް ބިލިއަން ފަހަނަ އަޅާފަ އެވެ.