ސީއެސްސީގެ މެންބަރު ކަމަށް ހަބީބާ އައްޔަނުކުރައްވައިފި
ކޮމިޝަނުގެ މެންބަރު ކަމަށް ވަޑައިގެންނެވުމުގެ ކުރިން ހަބީބާ ހުންނެވީ ސިވިލް ސާވިސް ޓްރެއިނިން އިންސްޓިޓިއުޓްގެ ޑިރެކްޓާ ޖެނެރަލްގެ މަގާމުގަ އެވެ.
ސިވިލް ސާވިސް ކޮމިޝަން (ސީއެސްސީ) ގެ މެންބަރު ކަމަށް ދަފްތަރު ނަންބަރު ރސ 9472، ފާތިމަތު ހަބީބާ މިއަދު އައްޔަނުކުރައްވައިފި އެވެ.
ސީއެސްސީގެ މެންބަރު ކަމަށް ހަބީބާ އައްޔަނު އައްޔަނު ކުރައްވާފައި ވަނީ މިއަދު ހެނދުނު ރައީސް އޮފީހުގައި ބޭއްވި ރަސްމިއްޔާތެއްގަ އެވެ.
މި ރަސްމިއްޔާތުގައި ސީއެސްސީ މެންބަރުކަމުގެ ހުވާ ލައިދެއްވީ ސުޕްރީމް ކޯޓުގެ ފަނޑިޔާރު ޑރ. މުހައްމަދު އިބްރާހީމެވެ. މަގާމުގެ ލިޔުން ހަބީބާއަށް އެރުއްވީ ރައީސް ޑރ. މުހައްމަދު މުއިއްޒެވެ.
ސީއެސްސީގެ މެންބަރު ކަމަށް ހަބީބާ އައްޔަނު ކުރަން ރައްޔިތުންގެ މަޖިލީހުން ރުހުން ދީފައި ވަނީ މިދިޔަ އޭޕްރީލް މަހުގެ 29 ވަނަ ދުވަހު އެވެ. ކޮމިޝަނުގެ މެންބަރު ކަމަށް ވަޑައިގެންނެވުމުގެ ކުރިން ހަބީބާ ހުންނެވީ ސިވިލް ސާވިސް ޓްރެއިނިން އިންސްޓިޓިއުޓްގެ ޑިރެކްޓާ ޖެނެރަލްގެ މަގާމުގަ އެވެ.
ހަބީބާގެ އިތުރުން އެ ކޮމިޝަންގެ މެންބަރު ކަމަށް އަބްދުލްހަސީބު އިސްމާއީލް އަދި މަރިޔަމް ޝާހިދާގެ ނަން ފާސްކޮށްދިނުމަށް ވެސް ރައީސް ވަނީ މަޖިލީހަށް ފޮނުއްވާފަ އެވެ.
ކޮމެންޓް
Republic of Maldives