މެކްސިކޯގެ ފުރަތަމަ އަންހެން ރައީސާ ކަމަށް ކްލައުޑިއާ

އިންތިހާބުގައި ތާރީހީ ބޮޑު ކާމިޔާބީއެއް ހޯއްދަވައިގެން މެކްސިކޯގެ ފުރަތަމަ އަންހެން ރައީސަކަށް ކްލޯޑިއާ ޝެއިންބަމް އިންތިހާބުވެ ވަޑައިގެންފި އެވެ. 

މެކްސިކޯގެ އިންތިހާބުތަކާބެހޭ ރަސްމީ އިދާރާއިން ބުނީ ވަގުތީ ނަތީޖާތަކުން ދައްކާ ގޮތުގައި މެކްސިކޯ ސިޓީގެ ކުރީގެ މޭޔަރު ވަނީ ހުކުރު ދުވަހުގެ އިންތިހަބުގައި 58 ޕަސެންޓާއި އާއި 60 ޕަސެންޓާއި ދެމެދުގެ ވޯޓުތަކެއް ހޯއްދަވާފަ އެވެ. އެކަމަނާގެ ސަޕޯޓަރުން އުފާފާޅު ކުރަމުން ގެންދަނީ މެކްސިކޯ ސިޓީގެ މައި މައިދާން ކަމަށްވާ ޒޯކާލޯގަ އެވެ. 

އެއީ އުމުރުން 61 އަހަރުގެ ކްލޯޑިއާ ޝެއިންބަމް އެންމެ ބޮޑު ވާދަވެރިޔާ، ވިޔަފާރިވެރިޔާ ކްސޮޗިޓްލް ގަލްވޭޒްއާ އަޅާބަލާއިރު ގާތްގަނޑަކަށް 30 ޕަސެންޓްގެ ލީޑެކެވެ. މި ކާމިޔާބީއަށް ފަހު ޝެއިންބަމް ވެރިކަމާ ހަވާލުވެ ވަޑައިގަންނަވަނީ އޮކްޓޯބަރުމަހުގެ އެއްވަނަ ދުވަހު އެވެ.

ހަކަތަ ސައިންސްވެރިއެއް ކަމަށްވާ  ޝެއިންބަމް ވަނީ މިހާރުގެ ރައީސް ލޮޕޭޒް އޮބްރަޑޯ ގެނެސް ދެއްވި ކުރިއެރުންތަކުގެ މައްޗަށް ބިނާކޮށް މެކްސިކޮ ކުރިއަށް ގެންދާނެ ކަމަށް ވިދާޅުވެ ވައުދުވެ ވަޑައިގެންފަ އެވެ. 

"އަހަރެން ތިޔަބޭފުޅުން ނާއުންމީދެއް ނުކުރާނަން" ކާމިޔާބީގެ ތަގުރީރުގައި އޭނާ ވިދާޅުވި އެވެ.

ރައީސް ކަމަށް ކުރިމަތިލުމުގެ ކުރިން ޝެއިންބަމް އަކީ އެގައުމުގެ އެންމެ ނުފޫޒު ގަދަ ސިޔާސީ އެއް މަގާމް އަދި ރިޔާސީ އިންތިހާބަށް މަގުފަހިކޮށްދޭ މަގާމެއް ކަމަށް ބެލެވިފައި އޮންނަ މެކްސިކޯ ސިޓީގެ މޭޔަރެވެ.