އުފަންދުވަހު ފަޅާލީ ފިހާރަ، ސުނީގެ ހިތް ކުދިކުދި
ނެށުންތެރިޔާ ސުނީގެ ފިހާރަ ފަޅާލާ ވަތްގަނޑުގައި ހުރި ފައިސާތައް ބަޔަކު ގެންދިޔައި އެވެ. ވަކި ލާރިކޮޅު ހުރީ އުކާލާފަ އެވެ.
ސުނީ ބުނީ ފިހާރަ ފަޅާލާ ވަގުން ފައިސާއާ ބައެއް ތަކެތި ގެންގޮސްފައި ވާކަން އެނގުނީ ރޭ ފިހާރަ ހުޅުވަން ދިއުމުން ކަމަށެވެ. އިއްޔެ ފިހާރަ ނުހުޅުވާތީ ވައްކަން ކުރި ސީދާ ވަގުތެއް ނޭނގެ އެވެ.
ވައްކަން ކޮށްފައި ވަނީ ދޮރުގެ ތަޅު ހުރި ދިމާ ހަލާލުކޮށް ތަޅު ފެލާލައިގެން ވަދެ އެވެ.
އިއްޔެއަކީ ސުނީގެ އުފަން ދުވަހެވެ. ލިބުނު ހިތްދަތި ކަމުގައި ސުނީ ކުރި ޕޯސްޓެއް ލިޔެފައިވެ އެވެ.
"ރަނގަޅު ބާތުޑޭ ގިފްޓެއް މި ލިބުނީ. ފިހާރަ ފަޅާލީ،" ހިތާމަވެރިކަން ރަމްޒު ކޮށްދޭ އިމޯޖީއެއް ހިމަނާ ފިހާރައަށް ދީފައިވާ ގެއްލުން ފެންނަ ފޮޓޯތަކާއެކު ސުނީ ކުރި ޕޯސްޓެއްގައި ވެއެވެ.
ސުނީ ބުނީ ފިހާރަ ފަޅާލައި ވަތްގަނޑުގައި ހުރި ފައިސާތައް ވެސް ގެންދިޔަ ކަމަށެވެ. ވަކިލާރިކޮޅު ހުރީ އުކާލާފަ އެވެ. ވަގަށް ގެންދިޔައީ ކިހާ ފައިސާއެއް ކަމެއް ކަަށަވަރުކޮށް ބުނާކަށް ސުނީއަކަށް ނޭނގެ އެވެ.
ފިހާރާ ގައި ވިއްކަން ބަހައްޓާފައި ހުރި ބައެއް ތަކެތި ވެސް ވަގުން ވަނީ ގެންގޮސްފަ އެވެ.
ވައްކަަމުގެ މި ހާދިސާ ރިޕޯޓް ކުރުމުން ފުލުހުން ވަނީ ފިހާރައަށް ގޮސް ތަހުގީގަށް ސާމްޕަލް ނަގާފަ އެވެ.
ކޮމެންޓް
Republic of Maldives