މާލިއްޔަތު ކޮމެޓީ ގާސިމަށް، 241 ކޮމެޓީގެ މުގައްރިރުކަން ސަލީމް

ރައްޔިތުންގެ މަޖިލީހުގެ ކޮމެޓީތަކަށް މުގައްރިރުން ހަމަޖެއްސުމާއި ގުޅޭގޮތުން ސުޕަ މެޖޯރިޓީ އޮތް ކޮންގްރެސް ޕާޓީގެ ޕީޖީ ގުރޫޕްގައި މިއަދު މަޝްވަރާ ކޮށްފި އެވެ.

މާދަމާ ފަށާ 20 ވަނަ ރައްޔިތުންގެ މަޖިލީހުގެ ކޮމެޓީތައް އެކުލަވާލާނެ ގޮތާ ގުޅޭގޮތުން ކޮންގްރެސްގެ މެންބަރުން މަޝްވަރާ ކޮށް ގޮތްތަކެއް ވަނީ ނިންމާފަ އެވެ. 

ކޮންގްރެސްގެ އިސް މެންބަރަކު ވިދާޅުވި ގޮތުގައި 241 ކޮމެޓީގެ މުގައްރިރަކަށް ހަމަޖައްސަން ނިންމެވީ އޭދަފުށީ ދާއިރާގެ މެންބަރު އަހްމަދު ސަލީމެވެ. ސަލީމަކީ ކުރީން ޕީޕީއެމްގެ ޕީޖީ ގުރޫޕްގެ ލީޑަރެވެ. އަދި އެއީ މަޖިލީހުގައި އެންމެ ގިނަ ދުވަސްވީ މެންބަރުންގެ ތެރޭގައި ހިމެނިވަަޑައިގަންނަވާ ބޭފުޅެކެވެ.

މަޖިލީހުގެ އެންމެ މުހިންމު އެއް ކޮމެޓީ ކަމުގައިވާ މާލިއްޔަތު ކޮމެޓީގެ މުގައްރިރަކަށް މާމިގިލީ ދާއިރާގެ މެންބަރު ގާސިމް އިބްރާހިމް ހަމަޖައްސަން ވެސް ވަނީ ނިންމާފަ އެވެ. އެއީ ރައީސް އެގޮތަށް ހުށައަޅުއްވާތީ ކަމަށް އެ މެންބަރު ވިދާޅުވި އެވެ. އެއީ ގާސިމްގެ އެދިވަޑައިގަތުމަކަށެވެ.

ގާސިމަކީ ވެސް މަޖިލީހުގައި އެންމެ ގިނަ ދުވަސްވީ މެންބަރުންގެ ތެރޭގައި ހިމެނިވަަޑައިގަންނަވާ ބޭފުޅެކެވެ. މަޝްހޫރު / ތަޖުރިބާކާރު ވިޔަފާރިވެރި އެކެވެ. މީގެ ކުރީން ވެސް އެ ކޮމެޓީގެ މުގައްރިރުކަން ކުރެއްވި ބޭފުޅެކެވެ. 

މީގެ އިތުރުން އެސްއޯއީ ކޮމެޓީގެ މުގައްރިރަކަށް ހަަމަޖައްސަން ނިންމީ ބާރަށުގެ ދާއިރާގެ މެންބަރު އިބްރާހިމް ޝުޖާއު އެވެ. އޭނާ އަކީ މި މަޖިލީހަށް އެންމެ ގިނަ ވޯޓާއެކު އިންތިހާބުވެވަޑައިގެންނެވި މެންބަރެވެ.