ޕީއެންއެފްގެ އޮފީސް ރައީސް ޔާމީނުގެ ގެކޮޅަށް ބަދަލު ކުރަނީ
ޕީއެންއެެފްގެ އޮފީސް ދޫވެއްސަށް ބަދަލު ވާއިރު މިދިއަ އޭޕްރީލް މަހުގެ 25 ވަނަ ދުވަހު ހުއްދަ ލިބުނު އެ ޕާޓީގެ ހަބަރުތައް ގެނެސްދޭ "ޗެނަލް 13" ވެސް ދޫވެއްސަށް ބަދަލު ކުރާ ކަމަށް ވެއެވެ.
ކުރީގެ ރައީސް އަބްދުﷲ ޔާމީންގެ ޕާޓީ، ޕީޕަލް ނޭޝަނަލް ފްރޮންޓް (ޕީއެންއެފް) ގެ އޮފީސް އެ މަނިކުފާނުގެ ގެކޮޅު، ހ. ދޫވެއްސަށް ބަދަލު ކުރުމުގެ މަސައްކަތްތައް ފަށައިފި އެވެ.
ޕީއެންއެފްގެ އޮފީސް މިހާރު ހިންގަނީ ކުރިން ޕީޕީއެމާއި ކޮންގްރެސް ޕާޓީގެ އޮފީސް އެކުގައި ހިންގި ހ. ހުރަފާގަ އެވެ. މިދިއަ ރިޔާސީ އިންތިހާބަށް ފަހު ރައީސް ޔާމީންއާ ރައީސް ޑރ. މުހައްމަދު މުއިއްޒާ ދެމެދު ޖެހުނު މައްސަލާގައި ކޮންގްރެސް އާއި ޕީޕީއެމުން ވަނީ މާފަންނު ސީޓްރެކްސްގެ ހަތްވަނަ ފަންގިފިލާގައި އޮފީސް ހަދައިގެން ގޮސްފަ އެވެ.
ވަގުތީ ރައީސެއްގެ ގޮތުގައި ރައީސް ޔާމީންގެ ދަރިކަލުން ޒޭން އަބްދުﷲ ޔާމީން ހުންނަވާ ޕީއެންއެެފްގެ އޮފީސް ދޫވެއްސަށް ބަދަލު ވާއިރު މިދިއަ އޭޕްރީލް މަހުގެ 25 ވަނަ ދުވަހު ހުއްދަ ލިބުނު އެ ޕާޓީގެ ހަބަރުތައް ގެނެސްދޭ "ޗެނަލް 13" ވެސް ދޫވެއްސަށް ބަދަލު ކުރާ ކަމަށް ވެއެވެ.
ކޮމެންޓް
Republic of Maldives