ހުޅުމާލޭގައި ފަޔާ ހައިޑްރެންޓް ނިޒާމް ގާއިމު ކުރަން އާންމު ހިޔާލު ހޯދަނީ
ފަޔާ ހައިޑްރެންޓަކީ އަލިފާން ނިއްވުމައް ބޭނުންކުރާ އާލާތްތަކަށް ހައި ޕްރެޝަރުގައި ފެން ފޯރު ކޮށް ދިނުމަށް ބޭނުން ކުރާ އެކްސެސް ޕޮއިންޓު ތަކެކެވެ.
ހުޅުމާލޭގައި ފަޔާ ހައިޑްރެންޓް ނިޒާމް ގާއިމު ކުރުމުގެ މަޝްރޫއާ ބެހޭ ގޮތުން އާންމުންގެ ހިޔާލު ހޯދަން ސާވޭއް ކުރަން ފަށައިފި އެވެ.
އެމްޑަބްލިޔުއެސްސީ އިން ބުނީ މި ސާވޭއަށް ހާއްސަަ ސުވާލުތަކަކީ ހުޅުމާލޭގައި އަލިފާނުގެ ހާދިސާތަކުން ރައްކާތެރިވާން އަޅާ މުހިއްމު ފިޔަވަޅެއްގެ ގޮތު ކުރިއަށް ގެންދާނެ "ފަޔާ ހައިޑްރެންޓް ނިޒާމު" ގާއިމު ކުރުމުގެ މަޝްރޫއު އާ ބެހޭ ގޮތުން ހުޅުމާލޭގެ ފޭސް އެކެއްގައި އުޅޭ މީހުންގެ ހިޔާލު ހޯދަން ތައްޔާރު ކުރެވިފައިވާ ސުވާލުތަކެއް ކަމަށެވެ.
ފަޔާ ހައިޑްރެންޓަކީ އަލިފާން ނިއްވުމައް ބޭނުންކުރާ އާލާތްތަކަށް ހައި ޕްރެޝަރުގައި ފެން ފޯރު ކޮށް ދިނުމަށް ބޭނުން ކުރާ އެކްސެސް ޕޮއިންޓު ތަކެކެވެ. އެ ޕޮއިންޓުތައް ވަކި ނިޒާމެއްގެ ދަށުން ގާއިމުކޮށް ރަނގަޅަށް ބެލެހެއްޓުމަކީ އަލިފާނުގެ ހާދިސާތަކުން ރައްކާތެރިކަން ހޯދަން މުހިންމު ކަމެކެވެ
މި ސާވޭގައި ހިމެނެނީ އެ މަޝްރޫއުގެ ސަބަބުން ތިމާވެށްޓަށް އަސަރު ފޯރާނެ މިންވަރު ބަޔާން ކުރާ ރިޕޯޓުގައި ހިމެނުމުގެ ގޮތުން ކުރަން ސުވާލު ތަކެކެވެ. އޭގެ ބޭނުމަކީ ހުޅުމާލޭގައި މަސައްކަތް ކުރާ އަދި ދިރިއުޅޭ ފަރާތްތަކަށް މަޝްރޫއު މުހިންމުވާ މިންވަރު ދެނެގަނެ މަޝްރޫއު ކުރިއަށް ގެންދިއުމަށް އެދޭގޮތް ސާފު ކުރުމެވެ/
ކޮމެންޓް
Republic of Maldives