ޝާހްރުކް ޚާނަށް ހީޓް ސްޓްރޯކެއްޖެހި ހޮސްޕިޓަލެއްގައި އެޑްމިޓް ކޮށްފި
މީޑިއާތަކުން ރިޕޯޓް ކޮށްފައިވާ ގޮތުން އަހްމަދުއާބާދުގެ ހޫނު މިން 45 ޑިގްރީސެލްސިއަސްއަށް އުފުލި ބޮޑުވުމުގެ ސަބަބުން ޝާހްރުކް ޑީހައިޑްރޭޓް ވީ އެވެ.
ބޮލީވުޑްގެ ސުޕަސްޓާ ޝާހްރުކް ޚާނަށް ހީޓް ސްޓްރޯކެއް ޖެހިގެން އަހްމަދުއާބާދުގެ ހޮސްޕިޓަލެއްގައި އެޑްމިޓް ކޮށްފި އެވެ. ޝާހްރުކް ޚާނަށް ހީޓް ސްޓްރޯކް ޖެހުނީ އިންޑިއަން ޕްރިމިއާ ލީގު (އައިޕީއެލް) ގައި އަންގާރަ ދުވަހު އޭނާގެ "ކޮލްކަތާ ނައިޓް ރައިޑާސް "އާއި "ސަންރައިޒާސް ހައިދަރުއާބާދު" ބައްދަލުކުރި މެޗު ބަލަން އަހްމަދުއާބާދުއަށް ގޮސް އުޅުމުގެ ތެރޭގަ އެވެ.
އިންޑިއާގެ މީޑިއާތަކުން ރިޕޯޓް ކޮށްފައިވާ ގޮތުން އަހްމަދުއާބާދުގެ ހޫނު މިން 45 ޑިގްރީސެލްސިއަސްއަށް އުފުލި ބޮޑުވުމުގެ ސަބަބުން ޝާހްރުކް ޑީހައިޑްރޭޓް ވީ އެވެ. އަދި އޭނާގެ ހާލު ސްޓޭބަލް ނަމަވެސް އޭނާ އޮތީ މެޑިކަލް އޮބްޒަވޭޝަނުގަ އެވެ.
"ހޮސްޕިޓަލުގެ ވަށައިގެން ސެކިއުރިޓީ ވަނީ ވަރުގަދަކޮށްފައި،" މީޑިއާ ރިޕޯޓެއެއްގައި ވެއެވެ.
ޝާހްރުކް ޚާންގެ ހިއްސާ އޮންނަ ކަލްކަތާ ނައިޓް ރައިޑާސް (ކޭކޭއާރް) އައިޕީއެލްގެ ފައިނަލަށް ދަތުރު ކުރީ ސަންރައިޒާސް ހައިދަރުއާބާދު (އެސްއާރްއެޗް) އާ ދެކޮޅަށް ކުޅުނު މެޗުން ކާމިޔާބު ހޯދައިގެނެވެ. އަހްމަދުއާބާދުގެ ނަރެންދުރަ މޯދީ ސްޓޭޑިއަމްގައި ބޭއްވި މި މެޗް ބެލުމަށް ޝާހްރުކާއެކު އޭނާގެ ދަރިން ވެސް ވަނީ ބައިވެރި ވެފައެވެ.
ޝާހްރުކް ޚާންގެ ފިލްމީ މަސައްކަތަށް ބަލާލާއިރު އޭނާ ދާދި ފަހުން ތިން ބްލޮކްބަސްޓާ ފިލްމެއް ގެނެސްދީފައި ވެއެވެ. އެއީ "ޕަތާން" އާއި "ޖަވާން" އަދި "ޑުންކީ" އެވެ. މީގެ އިތުރުން ކިންގް ޚާންގެ ކުރިއަށް އޮތް ފިލްމަކީ "ކިންގް" އެވެ.
ކޮމެންޓް
Republic of Maldives