"ޕޮއެޓްރީ ތެރަޕީ" ގެ ދިވެހި ނަން ފާސްކޮށް، ފަރުވާގެ ދިރާސާ ފަށަނީ
ދިވެހި ޅެންވެރިކަން ބޭނުން ކޮށްގެން ނަފްސާނީ ހާލަތްތަކަށް ފަރުވާ ދެވޭތޯ ބެލުމުގެ ދިރާސާއެއް ކުރާނެ ކަމަށް ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަސީރު އބްރާހީމް އިއުލާނު ކުރައްވާފައި ވަނީ މިއަހަރުގެ ޅެންވެރީންގެ ދުވަހު އެވެ.
ދިވެހިބަހުގެ އެކެޑަމީގެ ބަސް ކޮމިޓީން "ޕޮއެޓްރީ ތެރަޕީ" އަށް ދިވެހިބަހުން ކިޔާނެ ނަމެއް ފާސްކޮށްފި އެވެ. ބަސް ކޮމިޓީން ނިންމައިފައި ވަނީ "ޕޮއެޓްރީ ތެރަޕީ" ގެ ދިވެހި ނަމަކީ "ޅެންފަރުވާ" ކަމަށެވެ.
"ޅެންފަރުވާ" މި ނަން މިހާރު ވަނީ ބަސް ފޮތުގެ އޮންލައިން އިސްދާރު - ވާޝަންގައި ހިމަނާފަ އެވެ.
މިއާއެކު، ޅެންފަރުވާގެ އިލްމީ ދިރާސާތަކުގެ މަސައްކަތް ކުރިއަށް ގެންދަން ހެރިޓޭޖް މިނިސްޓަރީ އާއި ގައުމީ ޔުނިވާސިޓީއާ ދެމެދު ފަހުމުނާމާއެއްގައި އަންނަ ބުދަ ދުވަހު ސޮއި ކުރާނެ އެވެ. މި ފަހުމުނާމާގެ ދަށުން ޅެންފަރުވާއާބެހޭ އިލްމީ ދިރާސާތައް ކުރުމާއި ދިވެހި ޅެން ބޭނުން ކޮށްގެން ނަފުސީ ތަފާތު ބަލިތަކަށް ދެވިދާނެ ފަރުވާގެ މިންވަރާއި ތަފާތު ބަލިތަކަށް ފަރުވާ ދިނުމުގައި ގެންގުޅޭނެ ހަމަތަކުގެ މައްޗަށް ދިރާސާ ކުރާނެ އެވެ.
އަދި ދިވެހިބަސް ކުރިއެރުވުމަށް ކުރާ މަސައްކަތްތަކަށް ބޭނުންވާ ތަފާތު އެހެނިހެން ދިރާސާތައް ކުރުން ވެސް މި ފަހުމުނާމާގެ ދަށުން ގައުމީ ޔުނިވާސިޓީއާއެކު ކުރިޔަށް ގެންދާނެ އެވެ.
ދިވެހި ޅެންވެރިކަން ބޭނުން ކޮށްގެން ނަފްސާނީ ހާލަތްތަކަށް ފަރުވާ ދެވޭތޯ ބެލުމުގެ ދިރާސާއެއް ކުރާނެ ކަމަށް ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަސީރު އބްރާހީމް އިއުލާނު ކުރައްވާފައި ވަނީ މިއަހަރުގެ ޅެންވެރީންގެ ދުވަހު އެވެ.
ކޮމެންޓް
Republic of Maldives