އާސަހަރާ ނިންމަން 2.7 މިލިއަނަށް އިތުރު ކުންފުންޏަކާ ހަވާލުކޮށްފި

މާލޭގެ އާ ސަހަރާގެ ފުލް ފިނިޝިންގެ މަަސައްކަތްކޮށް ނިންމަން ކުންފުންޏަކާ ހަވާލުކޮށްފި އެވެ.

ސަހަރާ މިސްކިތް ހެދުމުގެ މަސައްކަތް ފެށީ ރައީސް މުއިއްޒު މާލޭގެ މޭޔަރު ކަމުގައި ހުންނެވި ދުވަސްވަރު އެވެ. ބޮޑު އަގުގައި އެ މަސައްކަތް ހަވާލުކުރި ކުންފުނިން މަސައްކަތް ނިންމާފައެއް ނުވެ އެވެ.

ސިޓީ ކައުންސިލުން މިއަދު ބުނީ އާ ސަހަރާގެ ފުލް ފިނިޝިންގެ މަަސައްކަތްކޮށް ނިންމަން ކުންފުންޏަކާ ހަވާލުކޮށް އެއްބަސް ހަދާފައިވާ ކަމަށެވެ. އެ މަސައްކަތް ހަވާލު ކުރީ ހައިމަން ކޮންސްޓްރަކްޝަން ޕްރައިވެޓް ލިމިޓެޑާއި އެވެ.

މަސައްކަތް އެ ކުންފުންޏާއި ހަވާލުކުރީ 2،70،3793.18 އަށެވެ. 60 ދުވަހުގެ ތެރޭގައި އެ މަސައްކަތް ނިންމަން ޖެހެ އެވެ.

މީގެ އިތުރުން މާފަންނު މަދަރުސާގެ މަރާމާތު މަސައްކަތްކޮށް ނިންމުމަށް ވެސް ކުންފުންޏަކާއި ވަނީ ހަވާލުކޮށް ފައެވެ. ސިޓީ ކައުންސިލުން އެ މަސައްކަތް ނިންމަން ހަވާލުކުރީ ޕްރޮޑަކްޓިވް ލޯކަލް އިންވެސްޓްމެންޓަށެވެ.

އެގާރަ ދުވަސްތެރޭ ނިންމަން އެ މަސައްކަތް ހަވާލުކުރީ 432،000 ރުފިޔާއަށެވެ.

ކައުންސިލުން މިއަދު ވަނީ ހުޅުމާލެ ސަހަރާ މިސްކިތު ގައި ނޮވިލޮން އެޅުމުގެ މަސައްކަތް އެރިސް ޑެކާ ވެސް ހަވާލުކޮށް ފައެވެ. ފަސް ދުވަސް ތެރޭ އެ މަސައްކަތް ނިންމަން އެ ކުންފުންޏާ އެކު ހެދި އެއްބަސްވުން ހެދީ 185،004 ރުފިޔާ އަށެވެ.