ބޯކޮށްވާރޭވެހި މާލޭގައި ފެންބޮޑުވެ ފެން ހިންދަން ސިފައިން ނިކުމެއްޖެ
ސިފައިން ދަނީ ބޮޑުތަކުރުފާނުމަގުގައި ހުންނަ ބޮޑުވަޅު ސަރަހައްދުގަ އާއި ދިރާގު ކައިރީ ޕަންޕު ބަހައްޓައިގެން، ފެން ހިންދުމުގެ މަސައްކަތް ކުރަމުންނެވެ.
މިއަދު މެންދުރުން ފެށިގެން މާލެ ސިޓީގެ މޫސުން ގޯހެވެ. މެންދުރު ވަގުތު ވެސް ވަރަށް ބޯކޮށް ވާރޭވެހުނެވެ. އަސުރުގެ ފަހުން ވެެސް ގިނައިރުތަކެއް ވަންދެން ބޯކޮށް ވާރޭވެހުނެވެ.
އެއާއެކު މާލޭގެ ބައެއް މަގުތަކުގައި ވަނީ ފެންބޮޑުވެފަ އެވެ.
އެމްއެންޑީއެފުން ބުނީ ވާރޭ ވެހި މާލޭގެ ބައެއް މަގުތަކުގައި ފެންބޮޑުވުމާ ގުޅިގެން، މަގުތަކުން ފެން ހިންދުމުގައި އެމްއެންޑީއެފް ފަޔާ އެންޑް ރެސްކިޔު ސާވިސްގެ ސިފައިން ހަރަކާތްތެރިވާން ފަށާފައިވާ ކަމަށެވެ.
މި ވަގުތު ސިފައިން ދަނީ ބޮޑުތަކުރުފާނުމަގުގައި ހުންނަ ބޮޑުވަޅު ސަރަހައްދުގަ އާއި ދިރާގު ކައިރީ ޕަންޕު ބަހައްޓައިގެން، ފެން ހިންދުމުގެ މަސައްކަތް ކުރަމުން ކަމަށް ވެސް ބުންޏެވެ.
ކޮމެންޓް
Republic of Maldives