ބަރަހަނާކޮށް ވީޑީިއޯ ނަގައި ފައިސާ ފޭރުނު މީހަކު ހޯދަނީ

ވަޅިން މީހަކަށް ބިރު ދައްކައި، އިންޒާރުދީ، އެ މީހާ ބަރަހަނާ ކޮށްގެން ފައިސާތަކެއް ފޭރުނު މީހަކު ތަހުގީގަށް ހާޒިރު ކުރަން ފުލުހުން މަސައްކަތް ފަށައިފި އެވެ. ފުލުހުންގެ ހިދުމަތުން ވަނީ އެ މީހާގެ ވަނަވަރު ވެސް އާންމު ކޮށްފަ އެވެ.

އެ ތުހުމަތު އޮތް  ދިވެހި މީހާއަކީ ސ. ހިތަދޫ، ސޯމާ، ޝަފީގު އިބްރާހީމް، 34 އެވެ. 

ޝަފީގަށް އޮތް ތުހުމަތަކީ މީހެއްގެ ކޭޝް ކާޑު އަތުލައި، ޕިންކޯޑް ހޯދުމަށް ފަހު އެ ކާޑު ބޭނުންކޮށްގެން އޭނާގެ އެކައުންޓުން ފައިސާ ފޭރުމުގެ ތުހުމަތެވެ. އަދި އެ ފައިސާ ފޭރުމަށް ވަޅިން ބިރުދައްކައި، ހުއްދަ ނޫން ގޮތު އެ މީހާ ހިފަހައްޓައި، މާރާމާރީ ހިންގައި ބިރުދައްކައި އިންޒާރުދީ އަންނައުނު ބާލުވައި، ވީޑިއޯ ވެސް ކޮށްފައި ވެއެވެ. 

ޝަފީގުގެ މައަޗަށް ހިންގާ ތަހުގީގަށް ހާޒިރުކުރަން ފުލުހުން މަސައްކަތް ކުރާއިރު އޭނާ ދިރިއުޅޭ ތަނެއް ނޭނގެ އެވެ.