ޒިކުރާގެ ކުރެހުން، މި އަހަރު މަސައްކަތް ފެށޭނެ
"މިސްކިތުގެ އަމަލީ މަސައްކަތް މިއަހަރުތެރޭ އިރާދަކުރެއްވިއްޔާ ފެށިގެންދާނެ،" މިނިސްޓަރު ވިދާޅުވި އެވެ.
ޒިކުރާ މިސްކިތް ހުރި ބިމުގައި އާ މިސްކިތެއް ބިނާކުރުމުގެ މަސައްކަތް މި އަހަރުތެރޭ ފެށޭނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ ޒިކުރާ މިސްކިތް އަލުން އިމާރާތްކޮށް ނިމުމުން ހުންނާނެ ގޮތުގެ ކުރެހުމެއް ހިއްސާ ކުރައްވާ އެކްސްގައި ކުރެއްވި ޕޯސްޓެއް ގައެވެ.
އަލަން އަޅާނީ ތިން ފަންގިފިލާގެ މިސްކިތެކެވެ.
"މިސްކިތުގެ އަމަލީ މަސައްކަތް މިއަހަރުތެރޭ އިރާދަކުރެއްވިއްޔާ ފެށިގެންދާނެ،" މިނިސްޓަރު ވިދާޅުވި އެވެ.
އިސްލާމިކް މިނިސްޓްރީން ވަނީ ޒިކުރާ މިސްކިތް ހުރި ބިމުގައި ތިން ބުރީގެ މިސްކިތެއް އަޅަން ކުރީން ވެސް އެ މަސައްކަތް ހަވާލުުކުރި އެސްޖޭއާ އެކު ޖަނަވަރީ 24 ގައި އެއްބަސްވުމެއް ގާއިމު ކޮށްފައެވެ. އިސްލާމިކް މިނިސްޓްރީން ބުނީ އެއްބަސްވީ އެސްޖޭގެ ސޯޝަލް ސާވިސް އިނީޝިއޭޓިވްގެ ދަށުން އެ މަޝްރޫއަށް ހަރަދު ކުރާ ގޮތަށް ކަމަށެވެ.
ސަރުކާރު އުފެދުނު ފަހުން / މިނިސްޓަރު ޝަހީމްގެ ވަޒީރު ކަމުގައި މިސްކިތްތައް ބިނާ ކުރުމާއި މިސްކިތްތައް އާބާތުރަފިލުވުމަށް ވަރަށް ބޮޑު އިސްކަމެއް ދެއްވަ އެވެ. އަމިއްލަ ފަރާތްތަކަށް މިސްކިތް ބިނާ ކުރުމަށް ފުރުސަތުތައް ވެސް ތަނަވަސް ކޮށް ދެއްވައެވެ.
ކޮމެންޓް
Republic of Maldives