ކޫއްޑޫގެ އިމާރާތަކު ވެއްޓުނު ބިދޭސީއަކަށް ބޮޑު އަނިޔާއެއް
އެކިއެކި މަސައްކަތްތަކުގައި އުޅޭ ބިދޭސީންނަށް މީގެ ކުރިން ވެސް ބޮޑެތި އަނިޔާތަކެއް ލިބިފައިވެ އެވެ. މަތިން ވެއްޓި މީހުން މަރުވެފައިވެސްވެ އެވެ. މިފަދަ މަސައްކަތްތެރީންގެ ރައްކާތެރިކަމަށް އެދެވޭ ފިޔަވަޅު ނޭޅޭތީ އެކަމުގެ ކަންބޮޑުވުން އަބަދު ވެސް އޮވެ އެވެ.
ސަރުކާރުގެ މަސް ކުންފުނި މިފްކޯގެ ބެލުމުގެ ދަށުގައި އޮންނަ ގއ. ކޫއްޑޫގެ އިމާރާތަކުން މީހަކު ވެއްޓި ބޮޑު އަނިޔާއެއް ލިބިއްޖެ އެވެ.
މިފްކޯގެ ޕީއާރު އަރީބާ ހާޝިމް "މި" ނޫހަށް ވިދާޅުވީ އިންޑިއާއަށް ނިސްބަތްވާ އެމީހާ ވެއްޓި، ބޮލަށް ސީރިއަސް އަނިޔާތަކެއް ލިބިފައިވާ ކަމަށެވެ. އެމީހާ ވެއްޓުނީ އެއް ފަންގިފިލާއަށް ހަދާފައިވާ އިމާރާތެއްގެ 20 ފޫޓު މަތިންނެވެ.
އަރީބާ ވިދާޅުވީ އިންޑިއާ މީހާ ވެއްޓުނީ އެ އިމާރާތުގެ ފުރާޅުގެ މަރާމަތުގެ މަސައްކަތެއް ކުރަން އުޅުމުގެ ތެރޭގައި ކަމަށެވެ. މިހާެރު އެމީހާ ގއ. ވިލިނގިލީގައި ހުންނަ އެ އަތޮޅު ހޮސްޕިޓަލަށް ގެންގޮސްފަ އެވެ. އޭނާގެ ހާލު ދެރަ ކަމުން ފަރުވާއަށް މާލެ ގެނައުމުގެ މަސައްކަތް ކުރަމުން ގެންދާ ކަމަށް ވެސް އަރީބާ ވިދާޅުވި އެވެ.
އެކިއެކި މަސައްކަތްތަކުގައި އުޅޭ ބިދޭސީންނަށް މީގެ ކުރިން ވެސް ބޮޑެތި އަނިޔާތަކެއް ލިބިފައިވެ އެވެ. މަތިން ވެއްޓި މީހުން މަރުވެފައިވެސްވެ އެވެ. މިފަދަ މަސައްކަތްތެރީންގެ ރައްކާތެރިކަމަށް އެދެވޭ ފިޔަވަޅު ނޭޅޭތީ އެކަމުގެ ކަންބޮޑުވުން އަބަދު ވެސް އޮވެ އެވެ.
ކޮމެންޓް
Republic of Maldives