އިންޑޮނޭޝިއާއަށް 6.3 މެގްނިޓިއުޑްގެ ބާރު ގަދަ ބިންހެލުމެއް
މީގެ ކުރީން ހުޅަނގު ޖާވާގެ ސިއަންޖޫރު ސިޓީއަށް 2022 ވަނަ އަހަރު އައި ބިންހެލުމުގައި 602 މީހުން މަރުވެފައި ވެއެވެ.
އިންޑޮނޭޝިއާއަށް 6.3 މެގްނިޓިއުޑްގެ ބާރު މިނުގައި ބިންހެލުމެއް އަތުވެއްޖެ އެވެ. ހެލުން އައިސްފައި ވަނީ ޖާވާ އައިލެންޑުގެ ބަންޖާރު ސިޓީގެ ދެކުނުން 102 ކިލޯމީޓަރު ދުރުން 68.3 ކިލޯމީޓަރު އަޑިއަށެވެ.
ސުނާމީގެ އިންޒާރެއް ނެރެފައެއްނުވާ އެ ބިން ހެލުމާ ގުޅިގެން ރާއްޖެއަށް އެއްވެސް ނުރައްކަލެއް ނެތް ކަމަށް ވެސް ރޭ ރާއްޖޭގެ ގައުމީ އިދާރާއިން ބުނެފައި ވެއެވެ.
މި ބިންހެލުމާ ގުޅިގެން ހުޅަނގު ޖާވާ ޕްރޮވިންސްގެ ބަންޑަންގް އާއި ޑެޕޮކް އާއި ޓަންގަރަންގް އާއި ބޮގޯ އާއި ބެކާސީގެ އުސް އިމާރާތްތަކަށް އަސަރު ކުރިއެވެ. އަދި މި ބިންހެލުމަށް ފަހު ކުދި އެހެން ބިންހެލުންތައް އަތުވެދާނެ ކަމުގެ އިންޒާރު އިޝޫކޮށްފައި ވެއެވެ.
މީގެ ކުރީން ހުޅަނގު ޖާވާގެ ސިއަންޖޫރު ސިޓީއަށް 2022 ވަނަ އަހަރު އައި ބިންހެލުމުގައި 602 މީހުން މަރުވެފައި ވެއެވެ.
ކޮމެންޓް
Republic of Maldives