ހިޔާއަވަށުގައި ނުކޮށް ހުރި ކަންކަން ކޮށްދޭނަން: ރައީސް
ރައީސް ވިދާޅުވި ގޮތުގައި މި ސަރުކާރުން ހުރިހާ ކަމެއްވެސް ކޮށްދޭނެ އެވެ. ކުޅިވަރު ކުޅޭ ކޯޓުތަކާއި ޕާކުތަކާއި ހިތްފަސޭހަ މާހައުލުތަކުގެ މަސައްކަތް ވެސް ވަރަށް އަވަހަށް އަޅާނެ އެވެ.
ކުރީގެ ސަރުކާރުން ހުޅުމާލޭ ހިޔާއަވަށް / ދެވަނަ ފިޔަވައްސަށް އަޅާލާފައިނުވާ ކަމަށާއި ވަރަށް އަވަހަށް ހިޔާއަވަށުގައި ކުޅިވަރު ކުޅޭނެ ވަސީލަތްތައް ގާއިމުކޮށްދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
"ރައީސްގެ ޖަވާބު" ޕްރޮގްރާމްގައި މީހަކު ސުވާލެއް ދެންނެވުމުން ރައީސް މުއިއްޒު މިއަދު ވިދާޅުވީ ހިޔާއަވަށުގައި މީހުން އުޅެން ފެށި ފަހުން ފުރިހަމަ ކުރަންޖެހޭ ގިނަ ކަންތައްތަކެއް ފުރިހަމަކޮށްފައިނުވާ ކަމަށެވެ.
"ހިޔާ ސަރަހައްދުގެ ކަންކަން އެއްގޮތަކަށް ވެސް ނުކޮށް ކުރިން ހުރީ،" ރައީސް ވިދާޅުވިއެވެ. އަދި އެ މަނިކުފާނު ވިދާޅުވީ، ހުރިހާ މަސައްކަތެއް ވެސް މި ސަރުކާރުން ކޮށްދޭނެ ކަަމަށާއި ކުޅިވަރު ކުޅޭ ކޯޓުތަކާއި ޕާކުތަކާއި ހިތްފަސޭހަ މާހައުލުތަކުގެ މަސައްކަތް ވެސް ވަރަށް އަވަހަށް އެޗްޑީސީ މެދުވެރިކޮށް ފަށާނެ ކަމަށެވެ.
"އެޗްޑީސީ މެދުވެރިކޮށް އަދި އެހެން ފަރާތްތަކާ ވެސް ގުޅިގެން އެކި ކަހަލަ ކުޅިވަރު ކުޅެވޭ ވަސީލަތްތައް [ހިޔާއަވަށުގައި] ގާއިމު ކުރާނަން،" ރައީސް ވިދާޅުވިއެވެ.
ކޮމެންޓް
Republic of Maldives