ބިސް ވިއްކުމާއި ގަތުމާއި ގެންގުޅުމުގައި ސަމާލުވާން އެދިއްޖެ
އެމްއެފްޑީއޭ އިން ބުނީ ބިސް ދޮވެގެން ބޭނުން ކުރުން ރަނގަޅު ނޫނީ ބިސް ދޮވުމުގެ ސަބަބުން ބިހުގެ އެތެރެއަށް ޖަރާސީމާ ކެމިކަލް ވާސިލުވާން މަގުފަހިވާނެތީ ކަމަށެވެ.
ބިސް ވިއްކުމާއި ގަތުމާއި ގެންގުޅުމުގައި ސަމާލުވާން މޯލްޑިވްސް ފުޑް އެންޑް ޑްރަގް އޮތޯރިޓީން އެދިއްޖެ އެވެ.
އެ އޮތޯރިޓީން ނެރުނު ބަޔާނެއް ގައި ބުނެފައި ވަނީ ކުކުޅު ބިސް ވިއްކުމާއި ގެންގުޅުމާއި އަދި ރައްކާކުރުމުގައި އަމަލު ކުރާ ގޮތުގެ ސަބަބުން ކާބޯތަކެތީގެ ރައްކާތެރިކަން ގެއްލުމުގެ ފުރުސަތު ވަރަށް ބޮޑު ކަމަށެވެ. އެހެން ކަމުން ބިސް ވިއްކުމާއި ގެންގުޅުމާއި ރައްކާ ކުރުމުގައި އަމަލު ކުރަންވީ ގޮތް ވަނީ ބުނެދީފައެވެ.
- ނަޖިސް ހަރުލާފައި ނުވަތަ ބިހުގެ ތޮށި ހަޑިވެފައި ހުންނަ ބިސް ނުގަތުން
- އަލަމާރީ ގައި ބަހައްޓާފައި ހުންނަ ބިސް ގަތުމަށް އިސްކަން ދިނުން
- ބިހުގެ މުއްދަތު ހަމަވާ ތާރީހު ބެލުން
- މުއްދަތު ހަމަވެފައި ހުންނަ ބިސް ބޭނުން ނުުކުރުން
- ރެނދުލާފައި ހުންނަ ބިސް ނުގަތުން
- ބިސް ދޮވެގެން ބޭނުން ނުކުރުން
- އެހެން ކާބޯތަކެތި ތަޣައްޔަރު ނުވާނެހެން އައިސް އަލާމާރީގައި ބިސް ރައްކާކުރުން
އެމްއެފްޑީއޭ އިން ބުނީ ބިސް ދޮވެގެން ބޭނުން ކުރުން ރަނގަޅު ނޫނީ ބިސް ދޮވުމުގެ ސަބަބުން ބިހުގެ އެތެރެއަށް ޖަރާސީމާ ކެމިކަލް ވާސިލުވާން މަގުފަހިވާނެތީ ކަމަށެވެ.
އަދި ރޯނުފިލުވާ ހުންނަ ބިސް ބޭނުން ކޮށްގެން ތައްޔާރުކުރާ ކާބޯތަކެތި ބަހައްޓަން ޖެހޭ ފިނިހޫނުމިނުގައި ބަހައްޓަން ސަމާލުކަން ދިނުމަށެވެ. މިފަދަ ތަކެތި އައިސްއަލާމާރިން ބޭރުގައި ދެ ގަޑިއިރަށް ވުރެ އިތުރަށް ނުބެހެއްޓުމަށް ވަނީ އިރުޝާދު ދީފައެވެ.
ކޮމެންޓް
Republic of Maldives