ރާއްޖޭ 40 ވަނަ އައިޓީބީގައި 100 އަށްވުރެ ގިނަ ކުންފުންޏާއެކު
ރާއްޖޭން އެންމެ ފުރަތަމަ އައިޓީބީގައި ރަސްމީކޮށް ބައިވެރިވީ 1984 ވަނަ އަހަރު އެވެ. މިއީ ބޭރުގައި ބައިވެރިވި ފުރަތަމަ ޓޫރިޒަމް ފެއާ އެވެ.
މިއީ ދުނިޔޭގެ އެންމެ ބޮޑު ޓޫރިޒަމް ފެއާ އެވެ. އަދި މިއީ ރާއްޖެ ދުނިޔެއަށް ހުޅުވިގެން ދިޔަ، ދިވެހން ފުރަތަމަ ބައިވެރިވި ބޭރުގެ ޓޫރިޒަމް ފެއާ އެވެ. މި އަހަރުގެ މި ފެއާ މިވަނީ ރާއްޖޭގެ 100 އަށްވުރެ ގިނަ ޓޫރިޒަމް ވިޔަފާރިތަކާއެކު ފަށާފަ އެވެ.
މޯލްޑިވްސް މާކެޓިން އެންޑް ޕީއާރު ކޯޕަރޭޝަން (އެމްއެމްޕީއާރުސީ) އިން އިސް ނަގައިގެން ރާއްޖޭން ކޮންމެ އަހަރަކުވެސް ގިނަ ބަޔަކު ބައިވެރިވާ މި ފެއާގައި މި އަހަރު ރާއްޖޭގެ 107 ޓޫރިޒަމް ވިޔަފާރި ކުންފުނިން، 214 މަންދޫބުން ބައިވެރިވެފައިވެ އެވެ.
ޖަރުމަނުގެ ބާލިންގެ މެސޭ ބާލިން ފެއާ ގްރައުންޑުގައި ކުރިއަށްދާ މި އަހަރުގެ އައިޓީބީ ފެއާގައި ރާއްޖޭގެ ވަފުދުގެ އިސް ފަރާތެއްގެ ގޮތުގައި ބައިވެރިވައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ. މީގެ އިތުރުން ޗެއާޕާސަން އައިޝަތު ނޫރައިން ޖަނާހު އާއި އެ ކުންފުނީގެ އެމްޑީ އައިމިނަތު ތައުފީގުގެ ވެސް ބައިވެރިވަޑައިގަތެވެ.
މި އަހަރުގެ އައިޓީބީ ފެއާ ކުރިއަށްދާނީ މިމަހުގެ 5 އިން 7 ގެ ނިޔަލަށެވެ. މި އަހަރުވެސް ތަފާތު ހުށަހެޅުންތަކާ ބެހޭ އެންމެ ފަހުގެ އަޕްޑޭޓްތައް ދަނީ ހިއްސާ ކުރައްވަމުންނެވެ. ރާއްޖޭގެ 504 އަކަމީޓަރުގެ ދެބުރިއަށް ހަދާފައިވާ ރާއްޖޭގެ ސްޓޭންޑަށް ޒިޔާރަތްކުރާ ފަރާތްތަކުން ރާއްޖޭގެ މައުލޫމާތު ދަނީ ދެމުންނެވެ. މި އަހަރު ރާއްޖޭގެ ސްޓޭންޑްގެ ޑިޒައިންކޮށްފައިވަނީ ރާއްޖޭގެ މަންޒަރު ސިފަވާ ގޮތަށެވެ. މި ސްޓޭންޑްގައި 104 ކޯ އެގްޒިބިޓަރު ކައުންޓަރާއި 60 ބ2ީބީ މީޓިން މޭޒު ބަހައްޓާފައިވެ އެވެ. އަދި ދުނިޔޭގެ ލީޑިންގ ޑެސްޓިނޭޝަނަށް ޒިޔާރަތްކުރުމަށް ބާރުއެޅުމަށް ފަތުރުވެރިން ޝައުގުވެރިވާ ފަދަ ރާއްޖޭގެ ހިތްގައިމު
މަންޒަރުތަކާއި ތަޖުރިބާތައް ދައްކުވައިދޭ އެލްއީޑީ ސްކްރީންތައް ބަހައްޓާފައިވެ އެވެ.
މި އިވެންޓްގައި ރާއްޖޭގެ ސްޓޭންޑަށް ޒިޔާރަތް ކުރާ ފަރާތްތަކަށް ގިނަ އިނާމު ތަކެއް ވެސް ދޭނެ އެވެ. މި އަހަރުގެ ފެއާގައި "މޯލްޑިވްސް މީޑިއާ މީޓު" ގެ ނަމުގައި ރާއްޖޭގެ ޓޫރިޒަމްގެ މައުލޫމާތު ވަނީ ޖަރުމަނާއި ދުނިޔޭގެ މަޝްހޫރު މީޑިއާތަކަށް ދީފަ އެވެ. މި މައުލޫމާތު ދެއްވީ އެމްއެމްޕީއާރުސީގެ އެމްޑީ އަދި ސީއީއޯ ފާތުމަތު ތައުފީޤުގެ އިތުރުން މި ޓޫރިޒަމް މިނިސްޓަރު އިބްރާހިމް ފައިސަލް އާއި އެމްއެމްޕީއާރުސީ ބޯޑުގެ ޗެއާޕާސަން ނޫރައިން ޖަނާހް އާއި ރައީސްގެ އެޑްވައިޒަރު މުހައްމަދު ހަލީލެ އެވެ. ރާއްޖޭގެ ފަތުރުވެރިކަމުގެ ސިނާއަތުގެ ތެރޭގައި މިހާރު ހިންގަމުންދާ މަސައްކަތާއި މި ސިނާއަތުގެ ކުރިމަގާ ބެހޭ ގޮތުން ވާހަކަ ދައްކަވ،ާ އެ ބޭފުޅުންގެ އަގުހުރި ވިސްނުންތަކެއް މި ނޫސްވެރިންގެ ބައްދަލުވުމުގައި ހިއްސާކުރާނެ އެވެ.
ޖަރުމަނަކީ ރާއްޖޭގެ ގަދަ 10 މާކެޓްގައި ހިމެނޭތާ ގައުމެވެ. އެ ގައުމުން ރާއްޖެއަށް މިމަހުގެ ނިޔަލަށް 27,563 ޓޫރިސްޓުން އައިސްފައިވެ އެވެ.
ކޮމެންޓް
Republic of Maldives