ދިވެހި ދައުލަތަށް ހިދުމަތް ކުރުމުގެ އިނާމަށް ހުޅުވާލައިފި
އިނާމަށް ހުށަހަޅާއިރު ހުރިހާ މައުލޫމާތުތައް ފުރިހަމަކޮށް ހުރިހާ ލިޔުންތަކާއެކުގައި ފޯމު ހުށަހަޅަން ޖެހެ އެވެ.
ދިވެހި ދައުލަތަށް ހިދުމަތް ކުރުމުގެ އިނާމަށް މި އަހަރު ނަން ހުށަހެޅުމުގެ ފުރުސަތު، ގައުމީ އިނާމާބެހޭ ކޮމިޓީން ހުޅުވާލައިފި އެވެ.
މި އިނާމަކީ، ދިވެހި ދައުލަތަށް 35 އަހަރަށްވުރެ ދިގު މުއްދަތަކަށް ހިދުމަތް ކުރި މުވައްޒަފުންގެ ތެރޭން، މަގާމުގެ މަސްއޫލިއްޔަތު އަދާ ކުރުމުގައި ގާބިލުކަމާއި އިހުލާސްތެރިކަމާއެކުގައި ކޮށްފައިވާ ހިދުމަތާއި މުއައްސަސާގެ ކުރިއެރުމަށް ކޮށްދީފައިވާ ހިދުމަތްތަކުގެ އަގު ވަޒަން ކުރަން ގައުމީ ފެންވަރުގައި ދިވެހި ދައުލަތުން ރައީސުލްޖުމްހޫރިއްޔާ ދެއްވާ ޝަރަފުވެރި އިނާމެކެވެ.
މި އިނާމުގައި އައްޑަނައަކާއި، ޝަރަފުގެ ބެޖަކާއި، ހަނދާނީ ލިޔުމެއް ދެ އެވެ.
އިނާމަށް ހުށަހަޅާ މީހުންގެ ނަން މި އަހަރު ހުށަހެޅޭނީ ހަމައެކަނި "ފޯމު ހުށަހެޅުން" މި ޕޯޓަލް މެދުވެރިކޮށްގެންނެވެ. އިނާމަށް ހުށަހެޅޭނީ މާރިޗު 28 ގެ ނިޔަލަށެވެ.
އިނާމަށް ހުށަހަޅާއިރު ހުރިހާ މައުލޫމާތުތައް ފުރިހަމަކޮށް ހުރިހާ ލިޔުންތަކާއެކުގައި ފޯމު ހުށަހަޅަން ޖެހެ އެވެ.
ކޮމެންޓް
Republic of Maldives