ޕެނަޑޯލް ވިއްކާށާއި ކާން ހުއްދަ ދީފި
އޮތޯރިޓީން ބުނީ އާންމު ގޮތެއްގައި އެފަދަ މައްސަލަ ދިމާވަނީ ބޭސް ރައްކާތެރިކުރުމުގައި ފުރިހަމަ ކުރަންޖެހޭ މިންގަނޑުތައް ފުރިހަމަ ނުކުރުމުން ނުވަތަ، ބޭސް އުފެއްދުމުގައި ސަމާލުވާންވީ ކަންކަމަށް ނުބެލުމުން ކަމަށެވެ.
ދިވެހީން ބޭނުން ކުރަމުން އައި ޕެނަޑޯލްގެ މައްސަލާގައި އެމްއެފްޑީއޭއިން ހެދި ޓެސްޓްތަކަށް ފަހު އަލުން ޕެނަޑޯލް ވިއްކުމާއި ބޭނުން ކުރުމުގެ ހުއްދަ ދީފި އެވެ.
ކުރިން ޕެނަޑޯލް މަނާ ކުރީ ފެންވަރު ކަށަވަރު ކުރަން ރޭންޑަމް ސާމްޕަލް ނަގައި ޓެސްޓުތައް ހެދިއިރު، ބޭހުގެ ބައެއް ގުޅަތައް ފުނޑުވެ ބޭސް ގުޅައިގެ ވަށައިގެން ތަންތަން ކޮޅުން ނެއްޓިފައިވާކަން ފާހަގަ ކުރެވުމުން ޖެނުއަރީ މަހުގެ 30 ވަނަ ދުވަހުއެވެ.
އޮތޯރިޓީން ބުނީ އާންމު ގޮތެއްގައި އެފަދަ މައްސަލަ ދިމާވަނީ ބޭސް ރައްކާތެރިކުރުމުގައި ފުރިހަމަ ކުރަންޖެހޭ މިންގަނޑުތައް ފުރިހަމަ ނުކުރުމުން ނުވަތަ، ބޭސް އުފެއްދުމުގައި ސަމާލުވާންވީ ކަންކަމަށް ނުބެލުމުން ކަމަށެވެ.
ބޭސް ބޭނުން ކުރުމުގެ ހުއްދަ އަލުން ދިނުމާއެކު، އެމްއެފްޑީއޭއިން ބުނީ ތަހުލީލު ރިޕޯޓްތަކުން ދައްކާ ގޮތުގައި ޕެނަޑޯލް ބްރޭންޑްގައި ހުންނަންޖެހޭ މިންވަރަށް ބޭހުގެ ސްޓްރެންތް ހުރިކަން ޔަގީން ވެފައިވާ ކަމަށާއި މައްސަލަ ފާހަގަ ކުރެވުނު ބެޗް މިހާރު މާކެޓްގައި ނެތް ކަމަށެވެ.
ކޮމެންޓް
Republic of Maldives