ފުރިހަމަ ބަދަލުތަކެއް ގެނެސް ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ވެބުސައިޓް އަލުން ހުޅުވާލައިފި
ވެބްސައިޓަށް ގެނެވުނު އެންމެ ހާއްސަ އެއް ބަދަލަކީ ރާއްޖޭގެ ސަގާފީ ތަރިކައިގެ ތެރޭގައި ހިމެނޭ އުތީމު ގަނޑުވަރު އަދި ހުކުރު މިސްކިތު މުންނާރު ފަދަ ތަންތަން ތުރީޑީކޮށް ބަލައިލެވުމެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ވެބުސައިޓު އާކުރުމަށް ފަހު އަލުން ހުޅުވާލައިފި އެވެ.
ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ވެބުސައިޓަށް ވަނީ ފުރިހަމަ މުހިންމު ބަދަލުތަކެއް ގެނެސް ފައެވެ. އެ ގޮތުން ރާއްޖޭގެ މާއްދީތަރިކައާއި މާނާވީ ތަރިކައާ ބެހޭ މައުލޫމާތާއި މުހިންމު ބައެއް އޯޑިއޯ އާއި ވީޑިއޯތައް ހިމެނެ އެވެ.
އެގޮތުން އުސްތާޒު މުހައްމަދު ޖަމީލުގެ އަޑުފުޅުން ރެކޯޑުކުރެވިފައިވާ ކީރިތި ގުރްއާނުގެ ތަރުޖަމާ އާއި ހާޖަރާގޭ މުހައްމަދު ތަައުފީގުގެ އަޑުން ރެކޯޑުކުރެވިފައިވާ ކީރިތި ރަަސޫލާގެ ސިޔަރަތު ހިމެނެ އެވެ.
އަދި މަޝްހޫރު ނައިފަރު ދޮހޮއްކޮ އާއި ރަތް ނިޒާރުގެ އަޑުން، ދިވެހި ރައިވަރުގެ އަސްލު އަޑުން ރައިވަރު އަޑު އަހާލެވޭނެ ގޮތް ވަނީ ފަހިކޮށްދީފައެވެ. މީގެ އިތުރުން ދިވެހީން ކުރީން އަޑު އަހައި އުޅުނު ބައެއް ވާހަކަވެސް ހިމެނެ އެވެ.
ވެބްސައިޓަށް ގެނެވުނު އެންމެ ހާއްސަ އެއް ބަދަލަކީ ރާއްޖޭގެ ސަގާފީ ތަރިކައިގެ ތެރޭގައި ހިމެނޭ އުތީމު ގަނޑުވަރު އަދި ހުކުރު މިސްކިތު މުންނާރު ފަދަ ތަންތަން ތުރީޑީކޮށް ބަލައިލެވުމެވެ.
މީގެ އިތުރުން ވުޒާރާގެ މަސައްކަތްތަކާ ބެހޭ އެންމެ ފަހުގެ ހަބަރުތައް ގެނެސްދޭނެ އެވެ. އެ މިނިސްޓްރީން ބުނީ ވެބްސައިޓް އިތުރަށް މުއްސަނދި ކުރުމުގެ މަސައްކަތް ކުރަމުންދާ ކަމަށެވެ.
ކޮމެންޓް
Republic of Maldives