ދުބާއީ އިންވެސްޓް ފޯރަމް ސްޕޮންސާކުރީ ހަރިމް ކުންފުނިން
ދުބާއީގައި އިންވެސްޓްމަންޓް ފޯރަމް ބޭއްވީ އެންމެ އަގު ބޮޑު އެއް ހޮޓާ ކަމަށްވާ ބްރުޖްއަލް އަރަބްގަ އެވެ.
ދުބާއީގައި އިއްޔެ އޮތް އިންވެސްޓް މޯލްޑިވްސް ފޯރަމް ސްޕޮންސާ ކޮށްފައި ވަނީ ހޮޓެލް އެންޑް ރިސޯޓް އިންވެސްޓްމަންޓް މޯލްޑިވްސް (ހަރިމް) ކުންފުނިންނެވެ.
ދުބާއީގެ އެންމެ އަގުބޮޑު އެއް ހޮޓާ ކަމަށްވާ ބްރުޖްއަލް އަރަބްގައި 300 އެއްހާ މީހުނާއެކު އިއްޔެ ބޭއްވި މޯލްޑިވްސް އިންވެސްޓްމަންޓް ފޯރަމްގެ ބެކްޑްރޮޕްގައި ލިޔެފައިވާ ގޮތުން ފޯރަމްގެ ސްޕޮންސަރަކީ ހަރިމް ކުންފުންޏެވެ. އެ ކުންފުންޏަކީ ޓޫރިޒަމް ވިޔަފާރިކުރާ ކުންފުންޏެކެވެ.
އިކޮނޮމިކް މިނިސްޓްރީގެ އިސް އޮފިޝަލަކު "މި" ނޫހަށް ވިދާޅުވި ގޮތުގައި ހަރިމް ކުންފުންޏަކީ މި އިވެންޓްގެ މުހިންމު އެހީތެރިއެކެވެ.
"ވަރަށް މުހިންމު ޕާޓްނަރެއް އެ ކުންފުންޏަކީ،" އެ އޮފިޝަލް ވިދާޅުވި އެވެ.
ނަމަވެސް އެ ކުންފުނިން މި ފޯރަމް ސްޕޮންސާކޮށްފައިވާ އަގެއް ނޭނގެ އެވެ. އެކަމަކު މި ހޮޓަލުގެ އަގުތައް ހުންނަ ގޮތަށް ބަލާއިރު މިވަރުގެ އިންވެންޓަކަށް ދިވެހި ރުފިޔާއިން ބަލާނަމަ އެތައް މިލިއަން ރުފިޔާ ހަރަދު ވާނެ ކަމަށް އަންދާޒާ ކުރެ އެވެ.
ކޮމެންޓް
Republic of Maldives