ހަތަރު މަހުން ޑޮލަރު މައްސަަލަ ހައްލުކޮށް ދެވޭނެ: ސައީދު
މިނިސްޓަރު މުހައްމަދު ސައީދު މިއަދު ވިދާޅުވި ގޮތުގައި ޑޮލަރުގެ މައްސަލައިގެ ހައްލު ކުރިއަށް އޮތް ހަތަރު މަހެއްގެ ތެރޭ ފެނިގެންދާނެ އެވެ. މައްސަލަ ހައްލު ވާނެކަމުގެ 100 ޕަސެންޓް ޔަގީންކަން އެބައޮތެވެ.
ޑޮލަރުގެ ލިބުމުގައި މިހާރު ކުރިމަތިވެފައިވާ މައްސަލަ ކުރިއަށް އޮތް ހަތަރު މަސް ދުވަހުގެ ތެރޭ ހައްލުކޮށް ދެއްވާނެ ކަމުގެ ޔަގީންކަން އިކޮނޮމިކް މިނިސްޓަރު މުހައްމަދު ސައީދު ދެއްވައިފި އެވެ.
ދުބާއީގައި މިއަދު ފަށާ އިންވެސްޓް މޯލްޑިވްސް ފޯރަމްގެ ކުރިން ބޭއްވި ނޫސްވެރިންގެ ބައްދަލުވުމެއްގައި އިކޮނޮމިކް މިނިސްޓަރު ސައީދު ވިދާޅުވީ ލޯނު ދައްކަން ފައިސާ ޖަމާ ކުރާ ސޮވްރިން ޑިވެލޮޕްމަންޓް ފަންޑް (އެސްޑީއެފް) ފަންޑުގައި ހުރި ފައިސާ ވެސް ނިމިދިޔަ އެމްޑީޕީގެ ސަރުކާރުން ނަގާފައިވާ ކަމަށާ އެއާޕޯޓް މަޝްރޫއު ވެސް އޮތީ ނުނިމި ކަމަށެވެ.
އަދި ދުނިޔެ ކްރައިސްގެ ތެރޭގައި އޮތްއިރު، ޑޮލަރުގެ ބޭނުން އިތުރު ވެގެން ދިޔައިރު މިހާރު އުޅޭ މައްސަލައަކީ ބްލެކް މާކެޓެއް އޮތުމުގެ މައްސަލަ ކަމަށެވެ. އޭނާ ވިދާޅުވީ އެ މައްސަލަ މި ސަރުކާރުން ހައްލު ކޮށްދޭނެ ކަމަށެވެ.
"މާކެޓުގައި ޑޮލަރު އުޅޭ. މިހާރު އުޅޭ އިޝޫއަކީ ބްލެކްމާކެޓަށް ޑެލިބަރޭޓްލީ ވިޔަފާރި ތަކެއް ޓައީ ވަމުންދާ މައްސަލަ. އެހެންވެ އެކަން އޯވަކަމް ކޮށްފަ އަޅުގަނޑުމެންނަށް އެ މައްސަލަ، ދެ ތިން ހަތަރު މަސްތެރޭގައި ޑޮލަރުގެ މައްސަލަ ހައްލު ވެގެންދާނެ،" ސައީދު ވިދާޅުވި އެވެ.
ކޮމެންޓް
Republic of Maldives