ވެލިގާއަކީ މިހާތަނަށް ރާއްޖޭގެ ހާޑްވެއާ ވިޔަފާރީގައި ނަން މަޝްހޫރު ނަމެކެވެ. މި ކުންފުނިން ޓޫރިޒަމަށް ނުކުމެ ހުޅުވީ 50 ކޮޓަރީގެ ހޮޓަލެކެވެ.
ރާއްޖޭގެ ހާޑްވެއާ ވިޔަފާރީގައި ނަން މަޝްހޫރު "ވެލިގާ" އާއިލާއާގެ ވިޔަފާރި ޓޫރިޒަމަށް ފުރޮޅާލައި، މާލެ އަތޮޅު ދިއްފުށީގައި ހިތްގައިމު ހޮޓަލެއް ހުޅުވައިފި އެވެ.
ދިއްފުށީގައި އިއްޔެ ބޭއްވި ރަސްމިއްޔާތެއްގައި "ސްޓޯން ހޮޓެލް" ގެ ނަން ދީފައިވާ މި ޓޫރިޒަމް ވިޔަފާރީގެ ރެބަން ކަނޑުވައި ހޮޓާ ހުޅުއްވައި ދެއްވީ ޓޫރިޒަމްގެ ސްޓޭޓް މިނިސްޓަރު އަހުމަދު ނާޒިމްގެ އިތުރުން ވެލިގާ އަދި ސްޓޯން ހޮޓެލްގެ ޗެއާމަން އަދި ވެލިގާ ހާޑްވެއާގެ ބާނީ މުހައްމަދު އަބޫބަކުރު އެވެ.