ވަޒީރުންގެ މަޖިލީހުގެ މިއަދުގެ ޖަލްސާ ގައި އިހަވަންދިއްޕޮޅަކީ ސްޕެޝަލް އިކޮނޮމިކް ޒޯނެއްގެ ގޮތުގައި ކަނޑައަޅަން ނިންމަވާ "މޯލްޑިވްސް އިކޮނޮމިކް ގޭޓްވޭ" ނަމުގައި ބިޔަ މަޝްރޫއު އެއް ފަށަން ވަނީ ނިންމާފައެވެ.
އިހަވަންދިއްޕޮޅަކީ ސްޕެޝަލް އިކޮނޮމިކް ޒޯނެއްގެ ގޮތުގައި ކަނޑައަޅަން ވަޒީރުންގެ މަޖިލީހުން މިއަދު ނިންމަވައިފި އެވެ.
ވަޒީރުންގެ މަޖިލީހުގެ މިއަދުގެ ޖަލްސާ ގައި އިހަވަންދިއްޕޮޅަކީ ސްޕެޝަލް އިކޮނޮމިކް ޒޯނެއްގެ ގޮތުގައި ކަނޑައަޅަން ނިންމަވާ "މޯލްޑިވްސް އިކޮނޮމިކް ގޭޓްވޭ" ނަމުގައި ބިޔަ މަޝްރޫއު އެއް ފަށަން ވަނީ ނިންމާފަ އެވެ.
ވަޒީރުން މަޖިލީހުގެ ނިންމުންތަކުގެ މައުލޫމާތު ދެއްވަމުން ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުﷲ ނާޒިމް އިބްރާހީމް ވިދާޅުވީ ކެބިނެޓުން ނިންމަވާފައިވަނީ މި މަޝްރޫއުގެ މާސްޓާ ޑިވްލޮޕާއެއްގެ ގޮތުގައި މޯލްޑިވްސް އިންޑަސްޓްރިއަލް ފްރީ ޒޯން ކުންފުނި ހަމަޖައްސަން ކަމަށެވެ.
"މި މަޝްރޫއު ހިންގަން ކަނޑައަޅާފައިވާ ސަރަހައްދު ސްޕެޝަން އިކޮނޮމިކް ޒޯނެއްގެ ގޮތުގައި ހަމަޖެއްސުން،" ނާޒިމް ވިދާޅުވި އެވެ.
އިހަވަންދިއްޕޮޅުގައި ޓްރާންސިޕްމަންޓް ބަނދަރެއްގެ ހިދުމަތް ފަށަން އެންމެ ފުރަތަމަ މަސައްކަތް ކުރީ 2015 ވަނަ އަހަރު ޕީޕީއެމްގެ ސަރުކާރުންނެވެ. އޭގެފަހުން އެމްޑީޕީން ވެރިކަމަށް އައިސް މި މަޝްރޫއުގެ ސްކޯޕް ކުޑަކޮށް މަސައްކަތްތަކެއް ކުރަން އުޅުނެވެ. އެކަން ކުރަން އެސްޓީއޯއާއި ދުބާއީގެ ކުންފުންޏަކާއެކު ސޮއިވެސް ކުރި އެވެ. އެކަމަކު އެކަންވާގޮތެއް ނުވި އެވެ.
ރައީސް ޑރ. މުހައްމަދު މުއިއްޒުގެ ސަރުކާރުން ވަނީ އެސްއީއެޑް ގާނޫނުގެ ދަށުން މިފަދަ ބިޔަ މަޝްރޫއުތައް ގެނެވޭ ގޮތަށް ހަމަޖައްސާފަ އެވެ. މި ގާނޫނުގެ ދަށުން އިހަވަންދިއްޕޮޅުގެ އިތުރުން ލ. އަތޮޅުގައިވެސް މިފަދަ މަަޝްރޫއެއް ހިންގަން ވަނީ ނިންމާފަ އެވެ.