އެންމެ ގިނަ މުވައްޒަފުން އިތާފުށީގަ، ސާވިސް ޗާޖު 2،600 ޑޮލަރަށްވުރެ މަތި

މި މަހާއި އަންނަ މަހަކީ ރާއްޖޭގެ ޓޫރިޒަމްގައި އެންމެ ބޮޑު ސާވިސް ޗާޖެއް މުވައްޒަފުންނަށް ލިބޭ ދެ މަހެވެ. ކޮންމެ މަހެއްގެ 20 ވަނަ ދުވަހުގެ ކުރިން މުވައްޒަފުންނަށް ދޭ ސާވިސް ޗާޖު ލިސްޓުގައި ބޮޑު އަދަދުން ސާވިސް ޗާޖު ލިބެނީ ލަގްޒަރީ ރިސޯޓްތަކުންނެވެ. 

މި ލިސްޓުގައި ސާވިސް ޗާޖު ބޮޑު އަދަދުތަކުން ދޭ ގިނަ ރިސޯޓުތަކަކީ މަދު މުވައްޒަފުން ތިބި ރިސޯޓުތަކެކެވެ. ނަމަވެސް މި ރިސޯޓުތަކުގެ ތެރޭގައި ރާއްޖޭގެ އެންމެ މަތީ ފަންތީގެ ބޮޑު އަގުގައި ކޮޓަރި ވިއްކާ ތަންތަން ހިމެނެ އެވެ. 

އެންމެ ފަހުގެ ސާވިސް ޗާޖު ލިސްޓުގައި އެންމެ މުވައްޒަފުން ގިނަ ރިސޯޓެއްގެ ގޮތުގައި ސާވިސް ޗާޖު ދީފައި ވަނީ މަޝްހޫރު ހިލްޓަންގެ އަލްޓްރާ ލަގްޒަރީ ބްރޭންޑް ވޮލްޑޯފް އެސްޓޯރިއާ އިން މާލެ އަތޮޅުގައި ހިންގަމުން ގެންދާ އިތާފުށި މޯލްޑިވްސް އެވެ. މި ރިސޯޓަކީ މެދުއިރުމަތީގެ މަހުޖަނަކާއި ސީސައިޑް، މުހައްމަދު އަލީ ޖަނާހު ގުޅިގެން ހިންގާ ރިސޯޓެކެވެ. 

އިތާފުށި ރިސޯޓުގައި 700 އަށްވުރެ ގިނަ މުވައްޒަފުން ތިބިއިރު މި ރިސޯޓުން މި މަހު ސާވިސް ޗާޖުގެ ގޮތުގައި 2،696.67 ޑޮލަރު ނުވަތަ ގާތްގަނޑަކަށް 41,572 ރުފިޔާ ލިބިފަވެ އެވެ. މިދިޔަ މަހުގެ ސާވިސް ޗާޖު ލިސްޓުގައި އެންމެ ބޮޑު އަދަދެއް ލިބިފައިވަނީ ރިޒް ކާލްޓަން ރިސޯޓުގެ މުވައްޒަފުންނަށެވެ. އެ ރިސޯޓުގެ މުވައްޒަފުންނަށް މިމަހު 4،200 ޑޮލަރުގެ ސާވިސް ޗާޖުގެ ގޮތުގައި ލިބިފައިވެ އެވެ. މި ރިސޯޓުގައި ތިބި 400 މުވައްޒަފުންނެވެ.

ވޮލްޑޯފް އެސްޓޯރިއާ ނަގާފައި އެންމެ ގިނަ މުވައްޒަފުން ތިބި އަދި އެންމެ ބޮޑު އަދަދެއް ސާވިސް ޗާޖުގެ ގޮތުގައި ދީފައި ވަނީ ވަން އެންޑް އޮންލީ ރީތި ރަށެވެ. އެ ރިސޯޓުގައި ތިބެނީ 400 މުވައްޒަފުންނެވެ. އެ ރިސޯޓުން ސާވިސް ޗާޖަށް 2،800 ޑޮލަރެވެ. މި މަހު އެންމެ ބޮޑު ސާވިސް ޗާޖެއް ލިބުނު ގިނަ ރިސޯޓުތަކުގެ ތެރޭން ވެލާ އާއި ރަންދެލި ރިސޯޓަކީ ނިސްބަތުން ކޮޓަރި މަދު އަދި މުވައްޒަފުންގެ އަދަދު ވެސް މަދު ރިސޯޓް ތަކެވެ. 

ގާނޫނުން ލާޒިމް ކުރަނީ ދިވެހި މުވައްޒަފުންގެ ނިސްބަތް ރިސޯޓުތަކުގައި ހުންނަން ޖެހޭނީ 45 ޕަސެންޓް ދިވެހި މަސައްކަތްތެރިންނެވެ. އަދި 55 ޕަސެންޓް ދިވެހިންނެވެ. މިއަދަދު ބިދޭސީން 70 ޕަސެންޓަށް މަތިކުރަން ރިސޯޓު އޯނަރުން ހިމެނޭ ޖަމިއްޔާ މަޓީން ވަނީ ސަރުކާރުގައި އެދިފަ އެވެ.