ނޮވެބަރުގެ ނިޔަލަށް ގްރީން ޓެކުހުން ބައި ބިލިއަން ނެގި

މިދިޔަ ނޮވެމްބަރު މަހުގެ ނިޔަލަށް ގްރީން ފަންޑުން ސަރުކާރުން މަޝްރޫއު ހިންގަން ބައި ބިލިއަން ރުފިޔާ ވަނީ ނަގާ އެކި ކަންކަމަށް ހަރަދު ކޮށްފަ އެވެ. 

ގްރީން ޓެކުހުގެ ރުފިޔާ ޖަމާކުރާ ގްރީން ފަންޑުގެ ރިޕޯޓް ދައްކާ ގޮތުގައި ނޮވެމްބަރު މަހުގެ ނިޔަލަށް ގްރީން ފަންޑުން ބައި ބިލިއަން ރުފިޔާ ނުވަތަ 517,6 މިލިއަން ރުފިޔާ ވަނީ ހަރަދުކޮށްފަ އެވެ.  މި މުއްދަތުގައި ގްރީން ފަންޑަށް ލިބިފައިވަނީ 917 މިލިއަން ރުފިޔާ އެވެ. މި ފަންޑުގެ ބެލެންސުގެ ގޮތުގައި ނޮވެމްބަރު މަހުގެ ނިޔަލަށް ހުރީ 1.1 ބިލިއަން ރުފިޔާ އެވެ. 

މި ފައިސާ ހަރަދު ކުރި ގޮތް - ނޮވެމްބަރު މަސް އެކަނި ބަލާނަމަ ގްރީން ޓެކުސް ޖަމާވާ ފަންޑުން 24 މިލިއަން ރުފިޔާ ވަނީ ހަރަދުކޮށްފަ އެވެ. އެންމެ ބޮޑު ހަރަދެއްކޮށްފައިވަނީ އައްޑޫ ސިޓީގެ ރީޖަނަލް ވޭސްޓް މެނޭޖުމަންޓް ސެންޓަރަށެވެ. އެ ސެންޓަރަކަށް 7.8 މިލިއަން ރުފިޔާ ހަރަދުކުރި އެވެ.