"ސަރުކާރު ޖަވާބުދާރީ ކުރެވޭނީ ޑިމޮކްރެޓްސްއާ އެމްޑީޕީ ގުޅިގެން"
ޑިމޮކްރެޓްސް އިން އެމްޑީޕީއާ ގުޅިގެން މަސައްކަތް ކުރަން އަމްރު ގޮވާލެއްވިއިރު، ރައީސް ނަޝީދު ގެންދަވަނީ ސަރުކާރުގެ ހާރިޖީ ސިޔާސަތުތަކަށް ފާޑުވިދާޅުވަމުންނެވެ.
ސަރުކާރު ޖަވާބުދާރީ ކުރެވޭނީ އިދިކޮޅު ދެ ޕާޓީ ކަމަށްވާ އެމްޑީޕީ އަދި ދަ ޑިމޮކްރެޓްސް ގުޅިގެން ކަމަށް އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމްރު ވިދާޅުވެއްޖެ އެވެ.
ވަރަށް ކުރުކޮށް އަމްރު މިއަދު އެކްސްގައި ހިއްސާ ކުރެއްވި ޕޯސްޓެއްގައި ވިދާޅުވީ ހަގީގީ މާނައިގައި ސަރުކާރު ޖަވާބުދާރީކޮށް ޒިންމާދާރު ކުރެވޭނީ އެ ދެ ޕާޓީ އެކުވެގެން ކަމަށެވެ.
ދަ ޑިމޮކްރެޓްސް އަކީ ނިމިދިޔަ ސަރުކާރުގެ ތެރޭގައި އެމްޑީޕީއާ މައްސަލަ ޖެހިގެން އުފެދިގެން އައި ޕާޓީއެކެވެ. އެމްޑީޕީގެ ކުރީގެ ރައީސް މުހައްމަދު ނަޝީދު އިސްވެ ހުންނަވައި އެ ޕާޓީ އެފެއްދިއިރު، އެމްޑީޕީއާއެކު އޮތީ ވަރަށް ބޮޑަށް މައްސަލަ ޖެހިފަ އެވެ.
ޑިމޮކްރެޓްސް އިން އެމްޑީޕީއާ ގުޅިގެން މަސައްކަތް ކުރަން އަމްރު ގޮވާލެއްވިއިރު، ރައީސް ނަޝީދު ގެންދަވަނީ ސަރުކާރުގެ ހާރިޖީ ސިޔާސަތުތަކަށް ފާޑުވިދާޅުވަމުންނެވެ. ނަޝީދު އެންމެ ދެކޮޅު ކަމަކީ ރާއްޖޭގައި ތިބި އިންޑިއާ ސިފައިން ފޮނުވާލަން ސަރުކާރުން ކުރަމުންދާ މަސައްކަތްތަކަށެވެ.
އިންޑިއާ އާއެކު އޮތް ގުޅުން ދެމެހެއްޓުމަކީ މުހިންމު ކަމެއް ކަމަށް ނަޝީދު ދެކިވަޑައިގަންނަވާއިރު، ނިމިދިޔަ ސަރުކާރުގައި ކުރީގެ ރައީސް އިބްރާހިމް މުހައްމަދު ސޯލިހު ވަނީ އިންޑިއާއާއެކު ގާތް ގުޅުމެއް ބާއްވާފަ އެވެ.
ކޮމެންޓް
ކުރިންވެސް ބުނިން ދަނޑިޕާޓީ ނުވާނޭ އެއްވެސް އެއްޗަކަށް. މިހާރު މިއޮތީ އެދުވަސް އައިސްފަ. އާ މަޖިލީސް ހޮވުމަށްފަހު ދަނޑިޕާޓީގެ އަޑެއް ދެން ނީވޭނެ
Republic of Maldives