ބީސީސީ އިން ބުނީ އެ ކޯޕަރޭޝަނުން އެހެން ގޮތަކަށް އަންގާ އިއުލާނު ކުރަންދެން ދަފްތަރުވުމުގެ ފުރުސަތު އާންމުކޮށް ހުޅުވިފައި އޮންނާނެ ކަމަށެވެ.
ބިޒްނަސް ސެންޓާ ކޯޕަރޭޝަން (ބީސީސީ) އިން ހުޅުމާލޭގައި ތަރައްގީ ކުރާ "ހިޔަލަ ވީކެންޑް މާކެޓް" ގައި ކުއްޔަށް ދޫކުރާ ކިއޮސްކްތަކަށް ނުވަތަ ގޮޅިތަކަށް އެދި ފޯމު ހުށަހެޅުމުގެ ފުރުސަތު ހުޅުވާލައިފި އެވެ.
"ހިޔަލަ ވީކެންޑް މާކެޓް" އަކީ ސަރުކާރުގެ ހަފްތާ 14 މަގު ޗާޓުގައި ކުރުމަށް ކަނޑައަޅާފައިވާ މަސައްކަތްތަކުގެ ތެރެއިން އަންހެނުން އުފައްދާ އުފެއްދުންތައް ވިއްކުމަށް ހާއްސަ ސަރަހައްދެއް ހުޅުމާލޭގައި ކަނޑައަޅައި، ވިޔަފާރި ކުރުމަށް ފަސޭހަ އިންތިޒާމުތަކެއް ހަމަޖައްސައިދިނުމުގެ ގޮތުން ގާއިމް ކުކުރާ މެކެޓެކެވެ.
ބީސީސީ އިން ބުނީ ކޮންމެ ހަފްތާއެއްގެ ހުކުރު އަދި ހޮނިހިރު ދުވަހު ހަވީރު 4:00 އިން ރޭގަނޑު 11:00 އަށް މި މާކެޓް ހުޅުވާފައި ހުންނާނެ ކަމަށެވެ. މި މާކެޓުގައި ބައިވެރިވުމަށް ޝައުގުވެރިވާ ފަރާތްތަކުން އެކަމަށްޓަކައި ފޯމު ހުށަހެޅުމާއެކު ދަފްތަރު ކުރެވިގެންދާނެ ކަމަށެވެ. ކޮންމެ ހަފްތާއެއްގައި ވެސް މި ކިއޮސްކްތަކަށް ވިޔަފާރިތައް ހޮވާނީ ދަފްތަރު ކުރެވިފައިވާ ތަރުތީބުން ކަމަށް ވެސް ބުންޏެވެ.
ބީސީސީ އިން ބުނީ އެ ކޯޕަރޭޝަނުން އެހެން ގޮތަކަށް އަންގާ އިއުލާނު ކުރަންދެން ދަފްތަރުވުމުގެ ފުރުސަތު އާންމުކޮށް ހުޅުވިފައި އޮންނާނެ ކަމަށެވެ.