އެމްއެމްޕީއާރްސީގެ ބޯޑަށް ނާޒިމްގެ ދަރިކަނބަލުން ވުލާ
ވުލާއު އަކީ އެމްއެންޕީގެ ރައީސް މުހައްމަދު ނާޒިމްގެ ދަރިކަނބަލުންނެވެ. ވުލާ މިހާރު ގެންދަވަނީ ޕީއެޗްޑީއަށް ކިޔަވާ ވިދާޅުވަމުންނެވެ.
މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރްސީ) ގެ ބޯޑް މެންބަރު ކަމަށް އައިމިނަތު ވުލާއު މުހައްމަދު ނާޒިމް އައްޔަން ކޮށްފި އެވެ.
ވުލާއު އަކީ އެމްއެންޕީގެ ރައީސް މުހައްމަދު ނާޒިމްގެ ދަރިކަނބަލުންނެވެ. ވުލާ މިހާރު ގެންދަވަނީ ޕީއެޗްޑީއަށް ކިޔަވާ ވިދާޅުވަމުންނެވެ.
ވުލާއުއަށް މަރުހަބާ ވިދާޅުވެ ނާޒިމް ވަނީ އެކްސް ގައި ޕޯސްޓެއް ކުރައްވާފަ އެވެ. އެ ޕޯސްޓް ގައި ވިދާޅުވީ ވުލާއު މެދު ފަހުރުވެރިވާ ކަމަށާ ގޮންޖެހުންތަކާއި ކުރިމަތިލާ މަގާމުގެ މަސްއޫލިއްޔަތު ފުރިހަމަ ގޮތުގައި އަދާ ކުރައްވާނެ ކަމުގެ ޔަގީންކަން އެބައޮތް ކަމަށެވެ. މިފަދަ މަގާމުތަކަށް ތައުލީމީ އަންހެނުން އައްޔަނު ކުުރުމަށް ހިތްވަރު ދެއްވާ ނާޒިމް ވަނީ ރައީސަށް ވެސް ޝުކުރު އަދާ ކުރައްވާފަ އެވެ.
"އަހަރެންގެ އެންމެ ލޯބިވާ އަންހެން ދަރިފުޅު ވުލާއުއަށް ހިތުގެ އަޑިން ތަހުނިޔާ ކިޔަން،" ނާޒިމްގެ ޕޯސްޓްގައި ވިދާޅުވި އެވެ.
އެމްއެމްޕީއާރުސީގެ ބޯޑްގެ ޗެއާޕާސަންގެ މަގާމަށް އައިޝަތު ނޫރައިން ޖަނާހް ވަނީ ހަމަޖައްސަވާފަ އެވެ. ދުނިޔޭގައި ވެސް މަޝްހޫރު ކަމެއް ހޯއްދަވާފައިވާ ނޫރެއިން އަކީ މަޝްހޫރު ވިޔަފާރިވެރިޔާ މުހައްމަދު އަލީ ޖަނާހު ދަރިކަނބަަލުންނެވެ.
ކޮމެންޓް
މުޅިންވެސް ދަރިންނާ އަނބިންނާނު މި އައްޔަން ކުރަނީ.
ބޮޑުންނާއި ވިޔަފާރިވެރިންގެ ދަރިންނަން މޮޅު މިއޮތީ ކިޔެވިޔަސް ނުކިޔެވިޔަސް...
Republic of Maldives