ވޭމަންޑޫ ޖުވެނައިލް ރެޒިޑެންޝަލް ޓްރީޓްމެންޓު ސެންޓަރެއް ހުޅުވައިފި
ނަޒީރު ވިދާޅުވީ، ރާއްޖޭގައި ހަވާސާވާކުޑަކުދިން އެކި މައްސަލަތައް ހައްލު ކުރަން އެކުލަވައިލި އަދުލުގެ ގާނޫނުގެ ދަށުން އަންނަ އެންމެ މުހިންމު ކަމަކީ އެކުދިންގެ މައްޗަށް ގާނޫނު ތަންފީޒު ކުރަން ޖެހޭ ހާލަތަށް ނުދާން ރެޒިޑެންޝަލް ޓްރީޓްމެންޓް ސެންޓަރުތައް ހުޅުވުން ކަމަށެވެ.
ތ. އަތޮޅު، / ކޮޅުމަޑުލުގެ ވޭމަންޑޫގައި ޖުވެނައިލް ރެޒިޑެންޝަލް ޓްރީޓްމެންޓު ސެންޓަރެއް ސަރުކާރުން ހުޅުވައިފި އެވެ.
ޖުވެނައިލް ރެޒިޑެންޝަލް ޓްރީޓްމެންޓު ސެންޓަރަކީ ކުޑަކުދިން ކުށްތަކަށް އަރައިގަންނަ މިންވަރު މަދުކުރުމަށް ދިގު މުއްދަތަކަށް ނުވަތަ ކުރު މުއްދަތަކަށް އެކަހެރިކޮށްގެން އިސްލާހުކޮށް ފަރުވާދޭން ޖެހިއްޖެ ހާލަތެއްގައި އެތަނުގައި ބައިތިއްބައިގެން ފަރުވާ ދެވޭނެ ސެންޓަރެކެވެ. ވޭމަންޑޫގައި ބޭއްވި ރަސްމިއްޔާތެއްގައި މަރުކަޒު ހުޅުވައި ދެއްވީ ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރެވެ.
ނަޒީރު ވިދާޅުވީ، ރާއްޖޭގައި ހަވާސާވާކުޑަކުދިން އެކި މައްސަލަތައް ހައްލު ކުރަން އެކުލަވައިލި އަދުލުގެ ގާނޫނުގެ ދަށުން އަންނަ އެންމެ މުހިންމު ކަމަކީ އެކުދިންގެ މައްޗަށް ގާނޫނު ތަންފީޒު ކުރަން ޖެހޭ ހާލަތަށް ނުދާން ރެޒިޑެންޝަލް ޓްރީޓްމެންޓް ސެންޓަރުތައް ހުޅުވުން ކަމަށެވެ. އަދި މިއީ އޭގެ ފެށުމެއް ކަމަށެވެ.
ކޮމެންޓް
Republic of Maldives