އެފްޑީސީން ރާއްޖެ-ލަންކާ ޖޭވީއަކާއެކު 3،000 ފްލެޓް ؛ އަގު 199 މިލިއަން ޑޮލަރު
މި މަޝްރޫއަކީ ލޯނު ނަގައިގެން ހިންގާ މަޝްރޫއުއެއް ނޫނެވެ. މި މަޝްރޫއު ކުރިއަށް ގެންދަނީ ކޮންޓްރެކްޓާ ފައިނޭންސިން އުސޫލުންނެވެ.
ސަރުކާރުގެ ފަހިދިރިއުޅުން ކޯޕަރޭޝަން (އެފްޑީސީ) އިން ރާއްޖޭގެ އޮނެކްސް ބިލްޑާސް އާއި ލަންކާގެ ހޭލީސް އޭވިއޭޝަން އެންޑް ޕްރޮޖެކްޓްސް ޕްރައިވެޓް (ޖޮއިންޓް ވެންޗާ) އާއެކު 3،000 ފްލެޓު އަޅަން، 199 މިލިއަން ޑޮލަރު (ގާތްގަނޑަކަށް ތިން ބިލިއަން ރުފިޔާ) ގެ އަގުހުރި މަޝްރޫއު އެއް ގައި ސޮއިކޮށްފި އެވެ.
އެފްޑީސީގައި މިއަދު ބޭއްވި ރަސްމިއްޔާތެއްގައި އެ ކުންފުނީގެ ފަރާތުން ސޮއިކުރެއްވީ މެނޭޖިން ޑިރެކްޓަރު ހަމްދާން ޝަކީލް އެވެ. އަދި ހޭލީސް އޭވިއޭޝަން އެންޑް ޕްރޮޖެކްޓްސް ޕްރައިވެޓް ލިމިޓެޑްގެ ފަރާތުން ސޮއިކުރީ ރާއްޖޭގެ ރިޕްރެޒެންޓޭޓިވް ކަމަށްވާ އޮނިކްސް ބިލްޑާސް ޕްރައިވެޓް ލިމިޓަޑް ގެ މެނޭޖިންގ ޑިރެކްޓަރ ހަސަން ހުސެން އެވެ.
ލޯނެއް ނެތް، ކޮންޓްރެކްޓާ ފައިނޭންސިން މަޝްރޫއެއް
މި މަޝްރޫއުގެ މައުލޫމާތު "މި" ނޫހަށް ދެއްވަމުން އެމްޑީ ހަމްދާން ވިދާޅުވީ މި ފްރޭމްވޯކް މިއެއްބަސްވުމުގެ ދަށުން ފްލެޓް އަޅަނީ އެ ކުންފުނީގެ ފައިނޭންސް ގައި އިމާރާތް ކުރާ ގޮތަށް ކޮންޓްރެކްޓާ ފައިނޭންސް އުސޫލުން ކަމަށާ، މިއީ މިހާލަތައް ބަލާއިރު ރަނގަޅު ފުރުސަތެއް ކަމަށެވެ.
"މީގައި ލޯނެއް ނޯންނާނެ. އެ ކުންފުންޏަށް ބިމެއް ދޭކަށް ނުޖެހޭނެ. އެ ބޭފުޅުންގެ ކަމަކީ ކޮންސްޓްކަޝަން ގެ މަސައްކަތް. ބިލްޑް ކުރުން. އަޅުގަނޑުމެން ފްލެޓްތަކުގެ ކޮލިޓީ އެޝުއަކޮށް، އިމާރާތް ކުރަމުންދާއިރު ކައިރިން ބަލަމުންދާނެ،" ހަމްދާން ވިދާޅުވި އެވެ.
އޭނާ ވިދާޅުވީ މި ޖޭވީގައި ހިމެނޭ ލަންކާގެ ހޭލީސް އަކީ މި ސަރަހައްދުގެ ފެންވަރުން ބެލި ނަމަވެސް ވަރުގަދަ ކުންފުންޏެއް ކަމަށާ، އެހެންކަމުން މި ޕްރޮޖެކްޓް ކާމިޔާބުވާނެ ކަމަށް އުންމީދު ކުރައްވާ ކަމަށެވެ.
"މިއީ 199 މިލިއަން ޑޮލަރުގެ މަޝްރޫއެއް. އަޅުގަނޑުމެން ވިސްނާނީ އެފްޑީސީ އަށް އެންމެ ފައިދާހުރި ގޮތަކީ ކޮބައިތޯ. ނެގޯސިއޭޝަންތަކަށް ފަހު މަސް ދުވަހުގެ ތެރޭގައި ސޮއިކޮށް މަސައްކަތް ފެށޭނެ ކަމަށް އުންމީދު ކުރެވޭ."
އޭނާ ވިދާޅުވީ މި އެމްއޯޔޫގެ ދަށުން އެ ކުންފުންޏާއެކު އަދި ނެކޯޝިއޭޝަން ތަކެއް ކުރި އަށް ދާނެ ކަމަށާ ފްލެޓު އަޅާނެ ސަރަހައްދެއް އަދި ފައިނަލް ނުކުރާ ކަމަށެވެ. އަދި މި ފްލެޓުތަކުގެ ސައިޒު ހުންނާނެ ކަމަށް މިހާރު ވިސްނުން ހުރީ 900 އަކަފޫޓުގެ ބޮޑުމިނުގައި ކަމަށެވެ.
"ބޮޑަށް އިސްކަންދޭނީ މާލެ ސަރަހައްދަށް. އެކަމަކު އެބަ ކުރަން ލޭންޑް ޔޫސް ޕްލޭން ހަދާފައިވާ ރަށްރަށުގެ މައުލޫމާތު ވެސް،" ހަމްދާން ވިދާޅުވި އެވެ.
ހޭލީސް، 148 އަހަރުގެ ދިގު ތާރީހު
މި މަޝްރޫއު ގައި ރާއްޖޭގެ ޕާޓްނަރު އޮނެކްސް ބިލްޑާސް އާއެކު ޖޭވީ ހަދައިގެން މަޝްރޫއު ފަށާ ސްރީލަންކާގެ ދަ ވޯލްޑް އޮފް ހޭލީސްއަކީ 1878 ވަނަ އަހަރު އުފެދިފައިވާ ކުންފުންޏެކެވެ. މި ކުންފުންޏަކީ ގިނަ ވިޔަފާރިތަކެއް ކުރަމުން ގެންދާ މި ސަރަހައްދުގެ ފެންވަރުގައިވެސް ބޮޑު ކުންފުންޏެކެވެ. މިއީ އިންޑަސްޓިއަލް ސޮލިއުޝަންސް އާއި ކޮންޓްރަކްޝަން މެޓީރިއަލްސް އަދި ކަރަންޓު އުފެއްދުމަމާއި ޓެކްސްޓައިލްސް ވިޔަފާރީގައިވެސް މަޝްހޫރު ކުންފުންޏެކެވެ.
އެފްޑީސީ އުންމީދުގައި - ތަޖުރިބާއާއެކު، ފަތިހު ފަށާނަން، ނަތީޖާ ނެރޭނަން، ޑެލިވާ ކުރާނަން
ކޮމެންޓް
ކޮބާ އެމީހުނައް އޮތް ފައިދާ އަކީ
"މީގައި ލޯނެއް ނޯންނާނެ. އެ ކުންފުންޏަށް ބިމެއް ދޭކަށް ނުޖެހޭނެ." ކަނޑުގަތަ އިމާރާތް ކުރަނީ؟
ސާބަހޭ، އޮބި ނޯވޭ،
Republic of Maldives