ޓޫރިޒަމް ޑައިވާސިފައިކުރާ ދާއިރާތަކަށް މާލެ އަތޮޅުން ފަސް ރިސޯޓް
ޓޫރިޒަމް ސިންދިފާތު ކުރުމާއެކު ތާރީހާއި ތައުލީމް އަދި ކުޅިވަރުފަދަ ދާއިރާތަކުގެ ޓޫރިޒަމް ތައާރަފު ކުރެވިގެންދާނެ އެވެ.
ޓޫރިޒަމް ޑައިވާސިފައި ކުރުމަށް ކަނޑައަޅާފައިވާ ދާއިރާތަކަށް ހާއްސަކޮށް މާލެ އަތޮޅުގައި ފަސް ރިސޯޓެއް ހުޅުވަން ސަރުކާރުން ނިންމައިފި އެވެ.
އިކޮނޮމިކް ކައުންސިލްގެ ނިންމުމުގެ މައުލޫމާތު ދެއްވަމުން ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުﷲ ނާޒިމް އިބްރާހީމް ވިދާޅުވީ ޓޫރިޒަމް ޑައިވާސިފައި ކުރުމަށް ކަނޑައަޅާފައިވާ ދާއިރާތަކަށް ހާއްސަކޮށް ފަސް ރިސޯޓެއް 2026 ގެ ކުރިން ހުޅުވުމުގެ ކަންކަން ބާރަށް ކުރިއަށް ގެންދަން ނިންމާފައިވާ ކަމަށެވެ.
"ރާއްޖޭގެ ފަތުރުވެރިކަމުގެ ދާއިރާ ސިންދެފާތު [ޑައިވާސިފައި] ކުރުމަށް ކަނޑައަޅާފައިވާ ދާއިރާތައް ފާހަގަކޮށް، ކ. އަތޮޅުގައި ތަރައްގީ ކުރަން ކަނޑައަޅާފައިވާ ރިސޯޓްތަކުގެ ތެރެއިން މި ދާއިރާ ތަކަށް ހާއްސަ ކުރައްވައިގެން ތަރައްގީ ކުރެވެން ހުރި އެގޮތަށް ތަރައްގީ ކުރަން ވިސްނުން ބަހައްޓަވައިގެން ކުރައްވަން ޖެހޭ ކަންކަން ކުރިއަށް ގެންދަވަން ނިންމެވުން. މިގޮތުން ކ. އަތޮޅުގައި ފަސް ރިސޯޓެއް ނިންމައި މާކެޓަށް ނެރުމުގެ ކަންކަން 2026 ގެ ކުރިން ނިންމުމަށް ވިޒިޓާ އިކޮނޮމިކް ކައުންސިލުން ވަނީ ނިންމަވާފަ،" ނާޒިމް ވިދާޅުވި އެވެ.
ސިންތިފާތު ކުރާ ދާއިރާތަކީ ކޮބާ ؟ ރާއްޖޭގެ ޓޫރިޒަމް މިވަގުތު އޮތީ ހަމައެނި ސަން ސީ އެންޑް ސޭންޑް އެވެ. ނަމަވެސް ޓޫރިޒަމް ޑައިވާސިފައިކޮށް ނުވަތަ ސިންތިފާތު ކުރުމުގެ ސަބަބުން ޓޫރިޒަމަށް އާ ޕްރޮޑަކްޓް ތަކެއް އަންނާނެ އެވެ. މިކަމަށްޓަކައި މުޅި ސަރުކާރު ގުޅިގެން ވަނީ ވިޒިޓާ އިކޮނޮމިކް ކައުންސިލް / ވީއީސީ އުފައްދާފަ އެވެ. މިކައުންސިލްގެ މަސައްކަތް ފެށުމާއެކު މިގޮތުން ޓޫރިޒަމަށް އިތުރު ރަހަ ތަކެއް އަންނާނެ ކަމަށް ސަރުކާރުން ވަނީ ބުނެފަ އެވެ. މިކަމަށް އުފެއްދި ވިޒިޓާ އިކޮނޮމިކް ކައުންސިލުން ވަނީ ސިއްހަތާއި ތައުލީމާއި ދަތުރުފަތުރުގެ ޓޫރިޒަމާއި ތާރީހު އަދި ކުޅިވަރުގެ ހަރަކާތްތަކުގެ ޓޫރިޒަމް ފަދަ ދާއިރާތަކެއް ޓޫރިޒަމް ނެރެން ނިންމާފަ އެވެ. މީގެ މަގުސަދަކީ ޓޫރިޒަމް އާމްދަނީ ހަ ބިލިއަން ފަހަނަ އަޅައި ދާނެ ގޮތަކަށް ބައްޓަން ކުރުމެވެ.
ވީއީސީގެ ވާހަކައެއް - ޓޫރިޒަމުގަ ރީތި އާ ކުލަތައް ޖައްސާން ބޮޑުވެގެންވާ ބަދަލެއް
ކޮމެންޓް
Republic of Maldives