ވިޒިޓާ ކައުންސިލުން ޕްރައިވެޓް ސެކްޓާއާއެކު ބޮޑެތި ބައްދަލުންތަކެއް ފަށަނީ
ވީއީސީ އުފައްދާފައިވަނީ ޓޫރިޒަމް އާމްދަނީ ހަ ބިލިއަން ޑޮލަރަށްވުރެ މައްޗަށް ޖައްސައި ޓޫރިޒަމް ޑައިވާސިފައި ކުރުމަށެވެ.
ރާއްޖޭގެ ޓޫރިޒަމް ޑައިވާސިފައިކޮށް އާ ފުރުސަތު ތަކެއް ތަނަވަސް ކުރަން އުފެއްދި ވިޒިޓާ އިކޮނޮމިކް ކައުންސިލް (ވީއީސީ) އިން ޕްރައިވެޓް ސެކްޓަރާއެކު ބައްދަލުވުންތަކެއް ފަށަން ނިންމައިފި އެވެ.
ކެބިނެޓުގެ ބައްދަލުމުގެ މައުލޫމާތު ދޭން ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަބްދުﷲ ނާޒިމް އިބްރާހީމް ވިޒިޓާ އިކޮނޮމީއާއަށް ފޯކަސްކޮށްގެން މި އަހަރު ހާސިލް ކުރެވިދާނެ ކަންކަން ބަލައި، ޕްރައިވެޓް ސެކްޓަރާއެކު ހާއްސަ ފޯރަމްތަކެއް ފަށަން ވަނީ ނިންމާފަ އެވެ.
"ވިޒިޓަ އިކޮނޮމީ އިނީޝިއޭޓިވްއަށް ޕްރައިވެޓް ސެކްޓަރު އަހުލުވެރިކުރުވުމުގެ ގޮތުން ޓޫރިޒަމާއި އިކޮނޮމިކް ޑިވްލޮޕްމަންޓް ޓްރޭޑް ގުޅިގެން ފޯމްތަކެއް ފެށުން. މީގެ ސަބަބުން ޕްރައިވެޓް ސެކްޓަރުގެ ބައިވެރިވުން އިތުރުވެ މި ސިނާއަތުގައި އިތުރު ވެގެންދާނެ،" ނާޒިމް ވިދާޅުވި އެވެ.
ވިޒިޓާ އިކޮނޮމިކް ކައުންސިލް ސަރުކާރުން އުފައްދާފައިވަނީ ޓޫރިޒަމް ޑައިވާސިފައި ކުރުމަށެވެ. މި ކައުންސިލްގެ މަގުސަދަކީ ޓޫރިޒަމް ޖީޑީޕީ މަތިކޮށް ޓޫރިޒަމް ޑައިވާސިފައި ކުރުމެވެ. މިކަމަށް ވީއީސީ އުފެއްދެވުމާއެކު ހޯލް އޮފް ގަވަރުމަންޓް އެޕްރޯޗެއްގައި މުޅި ސަރުކާރު އެއްކޮށް އެއް ޓާގެޓެއް ހާސިލް ކުރަން މަސައްކަތް ކުރާނެ އެވެ.
ވީއީސީގައި ހިމެނޭ ވުޒާރާތައް
- އެޑިއުކޭޝަން މިނިސްޓްރީ
- ހެލްތު މިނިސްޓްރީ
- ސްޕޯޓްސް، ފިޓްނަސް އެންޑް ރެކްރިއޭޝަން
- ޓޫރިޒަމް މިނިސްޓްރީ
- އެގްރިކަލްޗާ އެންޑް އެނިމަލް ވެލްފެއާ މިނިސްޓްރީ
- ޓްރާންސްޕޯޓް އެންޑް ސިވިލް އޭވިއޭޝަން
- ދިވެހި ލެންގުއޭޖް، ކަލްޗާ އެންޑް ހެރިޓޭޖް
- އިކޮނޮމިކް ޑިވެލޮޕްމެންޓް އެންޑް ޓްރޭޑް
ވީއީސީގެ ތަފާތަކީ ކޮބާ ؟ - ވީއީސީގެ މެންޓޭޓްގެ ތެރޭގައި ހިމެނޭ އެންމެ މުހިންމު ނިންމެވުމަކީ ޓޫރިޒަމް ޑައިވާސިފައި ކުރުމެވެ. ނިމިދިޔަ ސަރުކާރުގައި ވެސް ޑައިވާސިފައި ނުވަތަ ޓޫރިޒަމް "ސިންތިފާތު" ކުރުމެއްގެ ވާހަކަ ދެއްކި އެވެ. އެކަމަކު އެމަކަށް ހަރުދަނާ ޑިޒިޝަނެއް ނަގައިގެން ވަކި ޓާގެޓެއް ހެދިފައެއް ނެތެވެ. އޭގެ ސަބަބުން ފަސް އަހަރު ނިމިގެން ދިޔައީ އޭރުގެ ޓޫރިޒަމް މިނިސްޓަރާއި އެމްއެމްޕީއާރްސީގެ ވެރިޔާ ހަމައެކަނި ދެއްކެވި ވާހަކަފުޅެއްގެ ގޮތުގައެވެ.
ސަރުކާރުގެ ލެވެލްގައި އެ މަސައްކަތެއް ނުކުރެވުނެވެ. އޭގެ ނަތީޖާއަކީ ފަސް އަހަރުގެ ކުރީގައި އޮތް ޓޫރިޒަމެކޭ މިދިއަ ފަސް އަހަރެކޭ ތަފާތެއް ނެތުމެވެ. ޓޫރިޒަމްގެ އާ ރަހައެއް / އާ މާކެޓެއް އިގްތިސޯދުން ނުފެނުމެވެ.
ރާއްޖެ މިހާރު އޮތީ ހަމައެކަނި ޗުއްޓީ ހޭދަ ކޮށްލަން އަންނަ މަންޒިލެއްގެ ގޮތުގަ އެވެ. ނަމަވެސް ރައީސްގެ މުއިއްޒުގެ ވިސްނުންފުޅު ހުރީ ޓޫރިޒަމަށް އިތުރު ރަހަތަކެއް ގެނައުމެވެ. ވިޒިޓާ އިކޮނޮމިކް ކައުންސިލް އުފެއްދުމުގެ މަގުސަދަކީ ސިއްހަތާއި ތައުލީމާއި ދަތުރުފަތުރުގެ ޓޫރިޒަމް ފަދަ އެކި ދާއިރާތަކުން ޓޫރިޒަމް ކުރިއެރުވުމެވެ.
ކޮމެންޓް
Republic of Maldives