މެޓް އޮފީހުން ބުނީ 7.3 މެގްނިއުޓްޑްގެ ބާރު މިނުގައި ޖަޕާނަށް ބިން ހެލުމެއް އައިސްފައިވާ ކަމަށެވެ. ބިންހެލުމާއި ގުޅިގެން ރާއްޖެ އަށް އެއްވެސް ނުރައްކަލެއް ނެތް ކަމަށް ވެސް ބުންޏެވެ.
ޖަޕާނަށް އައި ބާރުގަދަ ބިންހެލުމާއި ގުޅިގެން ރާއްޖެ އަށް ނުރައްކަލެއް ނެތް ކަމަށް މޫސުމާ ބެހޭ ގައުމީ އިދާރާ އިން ބުނެފި އެވެ.
މެޓް އޮފީހުން ބުނީ ރިކްޓާ މިންގަނޑުން 7.3 މެގްނިއުޓްޑްގެ ބާރު މިނުގައި ޖަޕާނަށް ބިން ހެލުމެއް އައިސްފައިވާ ކަމަށެވެ. ބިންހެލުމާއި ގުޅިގެން ރާއްޖެ އަށް އެއްވެސް ނުރައްކަލެއް ނެތް ކަމަށް ވެސް ބުންޏެވެ.
ބިންހެލުމާއި ގުޅިގެން ސުނާމީގެ އިންޒާރު ވެސް ޖަޕާނަށް މިހާރު ވަނީ ނެރެފައެވެ. ޖަޕާނުގެ ނޫސްތަކުން ބުނި ގޮތުގައި ޓޯކިޔޯ އާއި ކަންޓޯ ބިންހެލުމުގެ އަސަރު ވަރަށް ބޮޑަށް ކޮށްފައި ވެއެވެ.
އަދި ބިންހެލުމާއި ގުޅިގެން ސުނާމީ އަރާނެ ކަމަށް ލަފާ ކުރެވޭތީ ބައެއް ސަރަހައްދުތަކުން މީހުން ނެރެ ރައްކާތެރި ތަންތަނަށް ގެންދިއުމުގެ މަސައްކަތް ވަނީ ފަށާފައެވެ. އެ ގޮތުން ޖަޕާނުގެ ފަސް ސިޓީއެއް ގައި މީހުން ތިބުން މިވަގުތު ރައްކާތެރި ކަމަކަށް ނުވާތީ ވީހާ ވެސް އަވަހަށް އެ ސަރަހައްދުތަކުން ބަދަލުވާން ސަރުކާރުން ވަނީ އަންގާފައެވެ.
އެ ގައުމުގެ މޫސުމާ ބެހޭ އިދާރާ އިން ވަނީ ބައެއް ސަރަހައްދުތަކަށް ފަސް ފޫޓްގެ ރާޅު އަރާނެ ކަމަށް ވެސް ލަފާކޮށްފައެވެ.