މެންބަރުން ގެންނަން ފައިސާއާ މަގާމު ހުށައަޅާ ވާހަކަ އަކީ ދޮގެެއް: ސަރުކާރު
ޕީއެންސީ / ޕީޕީއެމުން މިރޭ ދަރުބާރު ގޭގައި ބާއްވާ ޖަލްސާ ގައި ބައެއް މެންބަރުން ގުޅިފައިވާކަން އިއުލާނު ކުރާނެ ކަމަށް ވެސް ވާހަކަ ދެކެވެ އެވެ.
ސަރުކާރު ހިންގާ މައި ޕާޓީ -- ޕީޕަލްސް ނެޝަނަލް ކޮންގްރެސް (ޕީއެންސީ) އަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ބައެއް މެންބަރުން ގެންދަން ފައިސާއާ މަގާމުގެ ޑީލް ހުށައަޅަމުންދާ ކަމަށް ދެކެވޭ ވާހަކަތައް ސަރުކާރުން ދޮގުކޮށްފި އެވެ.
އެމްޑީޕީގެ މަޖިލީސް މެންބަރުން ޕީއެންސީއަށް ގެންދިއުމަށް އެ ޕާޓީން ދަނީ ސޯޅަ ވަރަކަށް މެންބަރުންނާއި ވާހަކަ ދައްކަމުންދާ ކަމަށް ވެ އެވެ. އޭގެ ތެރެއިން ހައެއް ނުވަތަ ހަތް މެންބަރަކު އެއްބަސްވެފައިވާ ކަމަށް ވެސް އެނގިފައިވެއެވެ. އަދި ބައެއް މެންބަރުން މިހާރު ސޮއިކޮށްފައިވާ ކަމަށް ވެސް ވާހަކަ ދެކެވެ އެވެ.
ޕީއެންސީ / ޕީޕީއެމުން މިރޭ ދަރުބާރު ގޭގައި ބާއްވާ ޖަލްސާ ގައި ބައެއް މެންބަރުން ގުޅިފައިވާކަން އިއުލާނު ކުރާނެ ކަމަށް ވެސް ވާހަކަ ދެކެވެ އެވެ.
އެކަމާއި ގުޅޭގޮތުން ސުވާލު ކުރުމުން ސަރުކާރުގެ ތަރުޖަމާން މުހައްމަދު ޝަހީބު ވިދާޅުވީ މެންބަރުން ގެންނަން ފައިސާއާ މަގާމުގެ ޑީލް ހުށައަޅަމުންދާ ވާހަކަ އަކީ ކަނޑައެޅިގެން ބަޔަކު ހަދަމުންދާ ދޮގެއް ކަމަށެވެ.
ނަމަވެސް އެމްޑީޕީގެ ބައެއް މެންބަރުން ވިދާޅުވީ ޕާޓީ ބަދަލު ކުރުމަށް އެދި ފައިސާ އާއި މަގާމު ވެސް ހުށައަޅަމުންދާ ކަމަށެވެ.
"މިސާލަކަށް އެބަ ބުނޭ މެންބަރު ކަމުގެ ދައުުރު ނިމުނީމަ ސްޓޭޓް މިނިސްޓަރު ކަން ނުވަތަ ނާއިބު ކަން ދޭނެ ކަމަށް. ނޫނީ ކުންފުންޏެއްގެ ބޯޑަށް އައްޔަން ކޮށްދޭނަމޭ. އަދި މަސްލަހަތު އޮތް ބަޔަކަށް ވަޒީފާ ދޭނެ ކަމުގެ ޔަގީންކަން ވެސް ދޭ،" ޕީއެންސީގެ ހުށައެޅުން ލިބުނު މެންބަރަކު ވިދާޅުވި އެވެ.
ކޮމެންޓް
Republic of Maldives