ފިޝަރީޒް ކޮލެޖު ގާއިމުކުރަން އެމްއެންޔޫއާއެކު ސޮއި އަޅަައިފި

ރާއްޖޭގައި ފުރަތަމަ ފަހަރަށް ފިޝަރީޒް ކޮލެޖެއް ގާއިމު ކުރެއްވުމަށް ސަރުކާރުން ނިންމެވި ނިންމެވުމާ ގުޅިގެން ކޮލެޖް ގާއިމު ކުރުމުގެ އެއްބަސްވުމުގައި ސޮއިކޮށްފި އެވެ.

އެއްބަސްވުން ގާއިމުކޮށްފައި ވަނީ މޯލްޑިވްސް ނެޝަނަލް ޔުނިވާސިޓީ އާއި ފިޝަރީޒް މިނިސްޓްރީއާ ދެމެދު އެވެ.

އެމްއެންޔޫގައި ބޭއްވި ރަސްމިއްޔާތެއްގައި މި އެއްބަސްވުމުގައި ސޮއިކުރެއްވީ މިނިސްޓަރު އަހުމަދު ޝިޔާމް އާއި ގައުމީ ޔުނިވާސިޓީގެ ވައިސް ޗާންސިލާ ޑރ. އައިޝަތުު ޝެހެނާޒް އާދަމް އެވެ.

ރާއްޖޭގައި ފުރަތަމަ ފަހަރަށް ފިޝަރީޒް ކޮލެޖެއް ގާއިމު ކުރެއްވުމަށް ނިންމަވާފައިވާކަން ރައީސުލްޖުމްހޫރިއްޔާ މުހައްމަދު މުއިއްޒު ހާމަކުރެއްވީ ދިވެހިރާއްޖޭގެ 43 ވަނަ މަސްވެރިންގެ ދުވަހުގެ މުނާސަބަތުގައި ބޭއްވި ޖަލްސާ ގައި ވާހަކަފުޅު ދައްކަވަމުންނެވެ. ކޮލެޖް ގާއިމު ކުރުމުގެ އިދާރީ މަސައްކަތް ސަރުކާރުގެ ހަފުތާ 14 ގެ ތެރޭގައި ހިނގާ ނިންމަން އޮތީ ކަނޑައަޅާފައެވެ.

މިއަދުގެ ރަސްމިއްޔާތު ގައި މިނިސްޓަރު ޝިޔާމް ވިދާޅުވި ގޮތުގައި ކޮލެޖާ އެކު މަސްވެރިކަމުގެ ދާއިރާއަށް ހެޔޮ ބަދަލެއް ގެނެވޭނެ ކަމަށެވެ. އެންމެ މުުހިންމު ކަމަަކަށް ފާހަގަ ކުރެއްވީ މަސްވެރިކަމުގެ ދާއިރާ އިން ތަމްރީނާއި ތައުލީމް ދެވޭނެ ޕްލެޓްފޯމެއް ގާއިމު ކުުރުމުން އަންނާނެ ހެޔޮ ބަދަލުތަކެވެ.

އެމްއެންޔޫ އިން ބުނި ގޮތުގައި އެ ކޮލެޖް ގައި ޕީއެޗްޑީއާ ހަމައަށް ކިޔަވައި ދޭނެ އެވެ. އެކަމުގެ ތަފްސީލެއް މިވަގުތު ހާމަ ކުރެވެން ނެތް ނަމަވެސް އެ މައުލޫމާތުތައް ހިއްސާ ކުރަމުންދާނެ ކަމަށް ބުންޏެވެ.

ފިޝަރީޒް ކޮލެޖެއް ގާއިމު ކޮށް ކިޔެވުން ފެށޭނެ ވަކި ދުވަހެއް ވެސް މިއަދު ނުބުނެ އެވެ.