ރައީސް، ނާޒިމްއާ ވެސް ބައްދަލު ކުރައްވައިފި
މިހާރު އޮތް ޕީޕީއެމް / ޕީއެންސީ ސަރުކާރު ގައި ރަސްމީ ބައިވެރިވުމެއް އޮތް ހަމައެކަނި ޕާޓީ އަކީ ވެސް އެމްއެންޕީ އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މޯލްޑިވްސް ނެޝަނަލް ޕާޓީގެ ރައީސް / ދަނގެތީ ދާއިރާގެ މެންބަރު މުހައްމަދު ނާޒިމްއާ މިއަދު ބައްދަލު ކުރައްވައިފި އެވެ.
ރައީސް މިއަދު ވަނީ ސިޔާސީ ތިން ޕާޓީއެެއްގެ އެންމެ އިސްވެރީންނާ ބައްދަލު ކުރައްވާފައެވެ. ފުރަަތަމަ ބައްދަލު ކުރެއްވީ ޖުމްހޫރީ ޕާޓީގެ ލީޑަރު / މާމިގިލީ ދާއިރާގެ މެންބަރު ގާސިމް އިބްރާހިމާ އެވެ. އޭގެ ފަހުން މޯލްޑިވްސް ޑިވެލޮޕްމަންޓް އެލަޔަންސްގެ ރައީސް / ދ. މީދޫ ދާއިރާގެ މެންބަރު އަހްމަދު ސިޔާމް މުހައްމަދާ ވެސް ވަނީ ބައްދަލު ކުރައްވާފައެވެ.
ރައީސް އޮފީހުގެ ރަސްމީ އެކައުންޓުން އެކްސް ގައި ކުރި ތިން ޕޯސްޓެއް ގައި ރައީސް މުއިއްޒު، ގާސިމާއި ސިޔާމް އަދި ނާޒިމްއާ ބައްދަލު ކުރެއްވި ކަމަށް ބުނެފައިވެއެވެ. ކޮންމެ ބައްދަލްވުމުގެ ދެ ފޮޓޯއެއް ހިއްސާކޮށް އެ އޮފީހުން "އެކްސް" ގައި ކުރި ޕޯސްޓެއް ގައި ހަމައެކަނި ބުނެފައި ވަނީ ރައީސް މުއިއްޒު އެ ބޭފުޅުންނާއި ބައްދަލު ކުރެއްވި ކަމަށެވެ. ބައްދަލްވުން އޮތީ ރައީސް އޮފީހުގައި ކަމަށެވެ.
ރިޔާސީ އިންތިހާބުގެ ފުރަތަމަ ބުރުގައި އެމްއެންޕީގެ ރިޔާސީ ކެންޑިޑޭޓެއްގެ ގޮތުގައި ނާޒިމް ވާދަ ކުރެއްވި އެވެ. އަދި ދެވަނަ ބުރު ގައި ޕީޕީއެމް / ޕީއެންސީ އާއެކު ކޯލިޝަން ހަދާ ރައީސް މުއިއްޒު، އިންތިހާބު ކުރުމަށް ނާޒިމް ވަނީ ގިނަ މަަސައްކަތްތަކެއް ކުރައްވާފައެވެ.
މިހާރު އޮތް ޕީޕީއެމް / ޕީއެންސީ ސަރުކާރު ގައި ރަސްމީ ބައިވެރިވުމެއް އޮތް ހަމައެކަނި ޕާޓީ އަކީ ވެސް އެމްއެންޕީ އެވެ.
ކޮމެންޓް
Republic of Maldives