އައްޑޫން ހައްޔަރު ކުރި ހަތަރު މީހުން ޝަރީއަތް ނިމެންދެން ބަންދު

ސ. ހިތަދޫގައި މި މަހުގެ އެއްވަނަ ދުވަހުގެ ރޭ ހިނގި މާރާމާރީއާއި ގުޅިގެން ހައްޔަރުކުރި ހަތަރު މީހުން ޝަރީއަތް ނިމެންދެން ބަންދު ކުރަން ކޯޓުން އަމުރު ކޮށްފި އެވެ. އެމީހުނަށް ބަނދު ޖަހައި ދިނީ ދެކުނު ސިޓީގެ ހިތަދޫ މެޖިސްޓްރޭޓް ކޯޓަށް ހާޒިރު ކުރުމުންނެވެ. 

 އެ މާރާމާރީގައި ބައިވެރިވި ކަމަށް ތުހުމަތު ވެގެން ހައްޔަރަށް ގެންދިޔައީ އުމުރުން 18 އަހަރާއި 19 އަހަރާއި 20 އަހަރާއި 23 އަހަރުގެ ދިވެހި ހަތަރު ޒުވާނެކެވެ. 

މި މާރާމާރީއަށް ފަހު އެ މީހުން ހައްޔަރު ކުރި އިރު، މާރާމާރީގައި 30 އަހަރުގެ ދިވެހި ފިރިހެނަކު ޒަހަމްކޮށްލި އެވެ. އެ މީހާ މާލެ ގެނެސް ފަރުވާ ދެމުން އަންނަ އިރު އޭނާގެ ހާލު ދެރަ އެވެ. އޭނާ ހަމާލާ ދީފައި ވަނީ ވަޅިން ކަމަށް ވެއެވެ. 

އައްޑު އަތޮޅުގައި އިއްޔެ ވެސް މާރާމާރީއެއް ހިނގާފައި ވެއެވެ. އެ މާރާމާރީގައި ވެސް ޒުވާނަކު ޒަހަމްވެފައި ވެއެވެ. 

އައްޑޫގައި ގްރޫޕް މާމާރީތައް ފެށިފައިވާއިރު މާލޭގައި ވެސް އެފަދަ މާރާމާރީއެއް އައިސްފައި ވެއެވެ. އެހެން ވެގެން ފުލުހުން ވަނީ މާލެ އާއި އައްޑޫސިޓީގެ ފިޔަވަޅުތައް ވަރުގަދަ ކޮށްފަ އެވެ.