ކިޔެވުމާ އެއްވަރަށް ކުޅިވަރުގައި ވެސް ކުދިން ކުރިއަށް ގެންދަންޖެހޭ: ފަސްޓެ ލޭޑީ
މުބާރާތުގެ ފައިނަލް މެޗްތައް ބައްލަވާލައްވައި މެޑަމް ސާޖިދާ ވަނީ މުބާރާތުގެ ޗެމްޕިއަން ޓީމަށް މެޑަލް ހަވާލު ކޮށްދެއްވާފައި
ކިޔެވުމާ އެއްވަރަށް ކުޅިވަރުގައި ވެސް ކުދިން ކުރިއަށް ގެންދިއުމަކީ މުހިންމު ކަމެއް ކަމަށް ފަސްޓް ލޭޑީ މެޑަމް، ސާޖިދާ މުހައްމަދު ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒުގެ އަނބިކަނބަލުން މިހެން ވިދާޅުވީ، މިއަދު ހަވީރު ހެންވޭރު ދަނޑުގައި ބޭއްވި ނެސްލޭ ކިޑްސް ނެޓްބޯލް ފެސްޓް 2023 ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
އެކަމަނާ ވިދާޅުވީ ކުދިންގެ ހެދިބޮޑުވުމުގައި ކުޅިވަރަކީ ކުދިންގެ ޖިސްމާނީ ދުޅަހެޔޮ ކަމާއި ނަފްސާނީ ދުޅަހެޔޮކަމުގައި ވެސް މުހިންމު ދައުރެއް އަދާކުރާ ކަމެއް ކަމަށެވެ. ކުޅިވަރަކީ ހަމައެކަނި ވަނަ ހޯދަން ކުރާ ކަމެއް ނޫން ކަމަށާއި ކަސްރަތެއްގެ ގޮތުގައި ބަލައިގެން ވެސް ކުރިއަށް ދިއުމަށް ވެސ އެކަމަނާ އެދިވަޑައިގަތެވެ.
އެޑިޔުކޭޝަން މިނިސްޓްރީ އާއި ސްޕޯޓްސް މިނިސްޓްރީ ގުޅިގެން ފިއޮންޓި ސްޕޯޓްސް އެކަޑަމީން ބޭއްވި މި ފިއެސްޓާ ކުރިއަށް ގެންގޮސްފައި ވަނީ މިދިއަ ބުރާފަތިން މިއަދަށް މާލޭގެ ސްކޫލްތަކަށް ހުޅުވާލައިގެނެވެ. މި ފިއެސްޓާގައި އެކި ސްކޫލްތަކުން ޖުމްލަ 1000 އަށްވުރެ ގިނަ ކުދިން ބައިވެރިވެފައި ވެއެވެ.
މުބާރާތުގެ ފައިނަލް މެޗްތައް ބައްލަވާލައްވައި މެޑަމް ސާޖިދާ ވަނީ މުބާރާތުގެ ޗެމްޕިއަން ޓީމަށް މެޑަލް ހަވާލު ކޮށްދެއްވާފަ އެވެ.
ކޮމެންޓް
Republic of Maldives