ރައީސް ކޮޕް-28 ކޮންފަރެންސަށް ދުބާއީއަށް ވަޑައިގެންފި، ތަގުރީރު ކުރައްވާނީ މާދަމާ
ދުނިޔޭގައި ނަގާ ފުރަތަމަ "ގްލޯބަލް ސްޓޮކްޓޭކް" (ޖީއެސްޓީ) އިން ޕެރިސް އެއްބަސްވުން ތަސްދީގުކުރި ފަހުން ލިބުނު ކުރިއެރުންތަކުގެ މިންވަރު ވަޒަން ކުރާނީ މި ކޮންފަރެސްގަ އެވެ.
ކޮޕް-28 / ކޮންފަރެންސް އޮފް ދަ ޕާޓީސް ޓު ދަ ޔުނައިޓެޑް ނޭޝަންސް ފްރޭމްވޯކް ކޮންވެންޝަން އޮން ކްލައިމެޓް ޗޭންޖްގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒު، ޔުނައިޓެޑް އަރެބް އެމިރޭޓްސްގެ ދުބާއީއަށް ވަޑައިގެންފި އެވެ.
ރައީސް ކޮޕް-28 އަށް ޑުބާއީއަށް ވަޑައިގަތީ އަރިހުގައި، މަތީ ފަންތީގެ ވަފްދަކާވެސް އެކުގަ އެވެ. ކޮޕް-28 އަށް ރައީސް މުއިއްޒު ރޭ ވަޑައިގަތީ، އެ މަނިކުފާނު ތުރުކީއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށް ފަހު އެވެ.
ކޮޕް-28 ބައްދަލުވުމަކީ ރާއްޖޭގެ ދެމެހެއްޓެނިވި ތަރައްގީއަށް ރާވާފައިވާ ކަންކަމާ ގުޅޭ މައުލޫމާތު ބައިނަލްއަގުވާމީ މައިދާނުގައި ހިއްސާ ކުރަން ލިބޭ ފުރުސަތެކެވެ. ކޮޕް-28 ބައްދަލުވުމުގައި ރައީސް ތަގުރީރު ކުރައްވާނީ މާދަމާ އެވެ.
ކޮމެންޓް
Republic of Maldives