"ޝަރީފް މަޖިލީހުގައި އިންނަވައިގެން ކޮންމެ ދުވަހަކު ގޮވަނީ އަވަގުރާނަ"
އާޒިމް މިއަދު ވިދާޅުވީ ޝަރީފުގެ މަޖިލީހުގައި އިންނަވައިގެން އަވަގުރާނަ ގޮވުމުގެ ކަންކަން އެއީ ރިޔާސަތުން ގަސްތުގައި ކުރުވާ ކަމެއް ކަމަށެވެ.
ރައްޔިތުންގެ މަޖިލީހުގެ ކެލާ ދާއިރާގެ މެމްބަރު، އިބްރާހިމް ޝަރީފް މަޖިލީހުގައި އިންނަވައިގެން ކޮންމެ ދުވަހަކު އަވަގުރާނަ / ލަދު ހުތުރު ބަސްތައް ގޮވާ ކަމަށް މެދު ހެންވޭރު ދާއިރާގެ މެމްބަރު އަލީ އާޒިމް ތުހުމަތު ކުރައްވައިފި އެވެ.
އާޒިމް ވިދާޅުވާ ގޮތުން ޝަރީފު ކޮންމެ ދުވަހަކު މަޖީލަށް ވަޑައިގެން އަވަގުރާ ގޮވުމުގައި އިންނަވަނީ އެ ފުރުސަތު މަޖިލީހުގެ ރައީސް، މުހައްމަދު އަސްލަމް ދެއްވައިގެނެވެ. މިއަދުގެ މަޖިލީސް ޖަލްސާގައި އާޒިމް ވާހަކަފުޅު ދައްކަވަމުން ދަނިކޮށް، ޝަރީފް ހުރަސް އެޅި އެވެ. އަދި އެކަމާ ގުޅިގެން އާޒިމް ވަނީ ފްލެޓާ ގުޅުވައި ޝަރީފަށް ތުހުމަތުތަކެއް ވެސް ކޮށްފަ އެވެ.
އާޒިމް މިއަދު ވިދާޅުވީ ޝަރީފުގެ މަޖިލީހުގައި އިންނަވައިގެން އަވަގުރާނަ ގޮވުމުގެ ކަންކަން އެއީ ރިޔާސަތުން ގަސްތުގައި ކުރުވާ ކަމެއް ކަމަށެވެ.
"އަޅުގަނޑު ތަކުރާރުކޮށް ދަންނަވާނަން، ކެލާ ދާއިރާގެ އިއްޒަތްތެރި މެމްބަރު، ޝަރީފް ތަކުރާރުކޮށް ކޮންމެ ދުވަހެއްގަ މިތާ އިނދެގެން އާދައިގެ ވަރަކަށް އައުގުރާނަ ގޮވާލަ ގޮވާލާ އިންނަނީ. މިއީ ވަރަށް ބޮލަށް އުދަނގޫވާ ކަމެއް އިއްޒަތްތެރި ރައީސް، ގަސްތުގަ ކުރުވާ ކަމެއްކަން ވެސް އެނގޭ އަޅުގަނޑަށް" އާޒިމް ވިދާޅުވިއެވެ.
ކޮމެންޓް
Republic of Maldives