ބްރިޖް ލަސްވީ މަސައްކަތުގެ ގޮންޖެހުން އަންޑައެސްޓިމޭޓް ކުރެވިގެން
މިނިސްޓަރު ވިދާޅުވީ 50 މީޓަރު އަޑީގައި ތަނބު ޖަހައިގެން ބްރިޖު އަޅާ ކުންފުނިތަށް ދުނިޔޭގައިވެސް މަދު ކަމަށް.
ތިލަމާލެ ބްރިޖުގެ މަސައްކަތް ލަސްވެގެން ގޮސްފައިވަނީ އިންޑިއާގެ އެފްކޮންސް ކުންފުންޏަށް ރާއްޖޭގައި ހުރި ގޮންޖެހުންތަށް އަންޑައެސްޓިމޭޓް ކުރެވިގެން ކަމަށް ޕްލޭނިން މިނިސްޓަރު އަބްދުލް އާ ސަރުކާރުގެ އިންފްރާސްޓްރަކްޗާ މިނިސްޓަރު އަބްދުﷲ މުއްތޮލިބް ވިދާޅުވެއްޖެ އެވެ.
ބްރިޖުގެ މައުލޫމާތު ދޭން މިއަދު ބޭއްވި ނޫސްވެރިންގެ ބައްދަލުވުމުގައި ބްރިޖު އެޅުމުގެ ތަޖުރިބާކާރު އިންޖިނޭރު މުއްތޮލިބް ވިގޮތުގައި ބްރިޖުގެ މަސައްކަތް ލަސްވެގެން ދިޔަ ސަބަބަކީ ރާއްޖޭގެ ތިމާވެށްޓާއި މޫސުން އަދި ކަނޑު އަޑީގެ މާހައުލުގައި ހުރި ގޮންޖެހުންތަށް އަންޑައެސްޓިމޭޓް ކުރެވިގެންނެވެ.
"ކޯރެއްގައި މަސައްކަތް ކުރުމާ މިފަދަ ތަނެއްގައި މަސައްކަތް ކުރުމާ ވަރަށް ތަފާތުވާނެ. މި ކަހަލަ މަސައްކަތުގައި ހުންނަ ގޮންޖެހުންތަށް ގިނަ. މި ކަހަލަ ކޮންޑިޝަންގައި މަސައްކަތް ކުރުމުގެ ތަޖުރިބާ މަދުވުމަކީ ގޮންޖެހުމެއް. 50 މީޓަރުގެ އަޑީގައި ތަނބު ޖަހައިގެން މަސައްކަތް ކުރުމަކީ ތަޖުރިބާ ގޮތުން ދުނިޔޭގައި ވެސް އެހާ ގިނަ ބައެއް ނޫން،" މުއްތޮލިބު ވިދާޅުވި އެވެ.
އޭނާ ވިދާޅުވީ މި މަސައްކަތުގެ ކުރީކޮޅު މަސައްކަތުގައި ގޮންޖެހުންތަށް ހުރިނަމަވެސް އެފްކޮންސް ކުންފުނި އިތުރު އުޅަނދުތަށް ގެނެސް މިހާރު ތައްޔާރުވެފައިވާ ކަމަށެވެ. އެހެންކަމުން މިހާރު އިތުރު ގޮންޖެހުމެއް ހުންނާނެ ކަމަށް ގަބޫލު ނުކުރައްވާ ކަމަށެވެ.
"ދުނިޔޭގެ އެހެން ގައުމުތަކުގައި ހުންނަ ގޮތާ ރާއްޖޭގެ އަޑީގައި ހުންނަ ހާލަތު ވެސް އެއްގޮތެއް ނޫން. ޗައިނާ މޯލްޑިވްސް ފްރެންޑްޝިޕް ބްރިޖުގައި ވެސް އެކަން ދިމާވި. މިއީ މި މަސައްކަތް ނުކުރާ ބައެއްނަމަ ޗެލެންޖިން. ލާނިން ކާވްއެއް [ދަސް ކުރަން ޖެހޭ ހާލަތެއް] އަންނާނެ ކަމެއް. އަޅުގަނޑަކަށް ފާހަގަ ކުރެވެނީ މަސައްކަތުގެ ބުރަ ކަމާއި މަސައްކަތް އަންޑައެސްޓިމޭޓް ކުރެވުނީ. ފުރަތަމަ މަސައްކަތް ކުރި ތިންފައިލީ [ރުމައިލާ] އިން އެއީ މިކަހަލަ ތަނެއްގައި މަސައްކަތް ކުރަން އެކަށީގެންވާ އެއްޗަކަށް ނުވާތީ ފޮނުވާލީ،" މުއްތޮލިބް ވިދާޅުވި އެވެ.
އޭނާ ވިދާޅުވީ އެފްކޮންސްއަކީ ބޮޑެތި މަޝްރޫއުތަށް ހިންގާ ބޮޑު ކުންފުންޏަކަށްވިނަމަވެސް މިފަދަ މަސައްކަތްތަކަށް އާ ކުންފުންޏެއް ކަމަށް ދެކެވަޑައިގަންނަވާ ކަމަށެވެ.
ކޮމެންޓް
Republic of Maldives