"އިގްތިސޯދީ ތަރައްގީގައި ރާއްޖެ ވަނީ އާ ޒަމާނަކަށް ތައްޔާރުވެފައި"

އިގްތިސޯދީ ތަރައްގީގައި ރާއްޖެ ދެކޭނެ އާ ޒަމާނަކަށް ތައްޔާރުވެފައިވާ ކަމަށް ރައީސް ޑރ. މުހައްމަދު މުއިއްޒުގެ ސަރުކާރުގެ އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ. 

މިިނިސްޓަރު ކަމުގެ އިތުރުން އިއްޔެ ރައީސް މުއިއްޒު އުފެއްދެވި ވިޒިޓާ އިކޮނޮމީ ކައުންސިލްގެ ކޯޗެއާކަން ވެސް ކުރައްވާ ސައީދު ވަޒީރުކަމަށް ވަޑައިގަތުމަށް ފަހު މިނިސްޓްރީގެ ވެރިންނާއި މުވައްޒަފުންނާ ބައްދަލު ކުރެއްވުމަށްފަހު އެކްސްގައި ވިދާޅުވީ ރާއްޖޭގެ އިގްތިސާދާ މެދު ބޭރު ގައުމުތަކުގެ އިތުބާރު އަލުން ގާއިމްކޮށް، ރައްޔިތުންގެ އުންމީދުތައް ހާސިލްކުރުމަށް އެ މިނިސްޓްރީން ހުރިހާ މަސައްކަތެއް ކުރާނެ ކަމަށެވެ. 

އަދި ރައީސް މުއިއްޒުގެ އިރުޝާދުގެ ދަށުން އިގްތިސޯދީ ތަރައްގީގެ އާ ޒަމާނަކަށް އެ މިނިސްޓްރީ ތައްުޔަރުވެ އޮތް ކަމަށެވެ.

ކުރިން ވެސް ރާއްޖެއަށް އިގްތިސޯދީ ތަރައްގީގައި ބޮޑު ކުރިއެރުމެއް ގެނައި ރައީސް ޔާމީން އަބްދުލްގައްޔޫމްގެ ސަރުކާރުގައި ވެސް އިކޮނޮމިކް މިނިސްޓަރުކަން ކުރެއްވެވި ސައީދު ވިދާޅުވީ ރައްޔިތުންގެ އުންމީދުތައް ހާސިލްކޮށް ދިވެހި އިގްތިސޯދާމެދު ގައުމުތަކުގެ އިތުބާރު އަލުން ގާއިމް ކުރަން އިކޮނޮމިކް ފުރިހަމައަށް ބާރުލާނެ ކަމަށާއި އިންވެސްޓްމެންޓްތައް ފުރުސަތުތައް އިތުރު ކުރުމާއި، ރާއްޖޭގައި ވިޔަފާރި ކުރުމުގެ ފައިދާ ފުޅާ ކުރައްވާނެ ކަމަށެވެ.