އަމީރަށް ހުރަސް އަޅަން ޑިމޮކްރެޓުން ހަޅޭއްލަވަނީ
އަސްލަމް ވިދާޅުވެފައި ވަނީ އަމީރު މަޖިލީހަށް ވަޑައިނުގެންނެވީ އޭރުގެ މަޖިލީހުގެ ރައީސް މުހައްމަދު ނަޝީދަށް ސިޓީއަކުން ދަންނަވާފައި ކަމަށެވެ. އޭރު ރިޔާސަތުން އެއީ ގާނޫނާ ހިލާފު އަމަލެއްކަން ނިންމާފައި ނުވާ ކަމަށެވެ.
އަންނަ އަހަރަށް ލަފާ ކުރާ ދައުލަތުގެ ބަޖެޓާއި މިއަހަރުގެ ބާކީ ބަޔަށް ބޭނުންވާ ސަޕްލިމެންޓްރީ ބަޖެޓް، ފިނޭންސް މިނިސްޓަރު އިބްރާހިމް އަމީރު ހުށަހަޅުއްވަމުން ދާއިރު، ޑިމޮކްރެޓްސްއަށް ނިސްބަތްވާ މެމްބަރުން އެކަމަށް ހުރަސް އަޅައި ހައިޖާނު ހިންގަން ފަށައިފި އެވެ.
މިއަދުގެ ޖަލްސާ ފެށުމާއެކު މައިނޯރިޓީ ލީޑަރު، މެދު ހެންވޭރު ދާއިރާގެ މެމްބަރު އަލީ އާޒިމް ވަނީ ނިޒާމީ ނުކުތާއެއް ނަންގަވާފަ އެވެ. އޭނާ ވިދާޅުވެފައި ވަނީ މަޖިލީސް ގަވާއިދު ބުނާ ގޮތުގައި އަންނަ އަހަރަށް ލަފާ ކުރާ ބަޖެޓް އެންމެ ލަސްވެގެން ނޮވެމްބަރު މަހުގެ އެއްވަނަ ދުވަހުގެ ކުރިން ހުށަހަޅަން ޖެހޭނެ ކަމަށެވެ.
އޭނާ ވިދާޅުވީ މީގެ ކުރިން ބަޖެޓް ހުށަހަޅަން އެޖެންޑާ ކުރިން ޖަލްސާއަށް އަމީރު ވަޑައިގެންފައި ނުވަނީ ގާނޫނާ ހިލާފަށް ބަންޑާރަ ނައިބު ދެއްވާފައިވާ ލަފަޔަކަށް ރިއާޔަތްކޮށް ކަމަށާއި، މިކަން ނުބަލާ ބަޖެޓް ހުށަނޭޅޭނެ ކަމަށެވެ.
އާޒިމްގެ ފަހަތުން ޑިމޮކްރެޓްސްއަށް ނިސްބަތްވާ އެހެން މެމްބަރުން ވެސް ވަނީ މި ނުކުތާގައި ނިޒާމީ ނުކުތާ ނަންގަވާފަ އެވެ. އެކަމަށް އިޖާބަ ނުދީ މަޖިލީހުގެ ރައީސް މުހައްމަދު އަސްލަމް ވަނީ ބެޖެޓް ހުށަހަޅުއްވަން އަމީރަށް ދަންނަވާފަ އެވެ. އެޔާއެކު މެމްބަރުން ތެދުވެ ހަޅޭއްލަވަން ފެށި އެވެ.
އަސްލަމް ވިދާޅުވެފައި ވަނީ އަމީރު މަޖިލީހަށް ވަޑައިނުގެންނެވީ އޭރުގެ މަޖިލީހުގެ ރައީސް މުހައްމަދު ނަޝީދަށް ސިޓީއަކުން ދަންނަވާފައި ކަމަށެވެ. އޭރު ރިޔާސަތުން އެއީ ގާނޫނާ ހިލާފު އަމަލެއްކަން ނިންމާފައި ނުވާ ކަމަށެވެ.
އެންމެ ފުރަތަމަ އަމީރު ސަޕްލިމެންޓްރީ ބަޖެޓް ހުށަހަޅުއްވަމުން ގެންދެވިއިރު އާޒިމް ވަނީ އަމީރު ހުންނެވި މޭޒު ކައިރިއަށް ގޮސް، މައިކު ދުރުކޮށް ނިޒާމީ ނުކުތާއަށް ފުރުސަތު ނުދީ ކުރިއަށް ނުގެންދެވޭނެ ކަމަށް ވިދާޅުވެފަ އެވެ. އާޒިމް އެގޮަތަށް އަމަލު ކުރެއްވުމުން އަސްލަމް ވަނީ އޭނާއަށް ނަސޭހަތްތެރިވެފަ އެވެ.
އޭގެ ފަހުން އަންނަ އަހަރަށް ލަފާ ކުރާ ދައުލަތުގެ ބަޖެޓް ހުށަހެޅުއްވަމުން ދިޔައިރު އަމީރުގެ މޭޒު ކައިރިއަށް ޑިމޮކްރެޓްސްއަށް ނިސްބަތްވާ ހުރިހާ މެމްބަރުން ގޮސް ވަނީ އޭނާ ވަށައިލައިފަ އެވެ. އަދި އަމީރު ވާހަކަ ދައްކަމުން ގެންދެވިއިރު މައިކު ކައިރިއަށް ގުދުވެ ސަރުކާރަށް ނިސްބަތްކޮށް ހަޅޭއްލަވަމުން ގެންދެވި އެވެ.
މީގެ އިތުރުން ތަޅުމުގައި ހިނގަމުން ރައީސްއަށް ނިސްބަތްކޮށް ހަޑިހުތުރު ބަސްތައް ބޭނުން ކުރަމުން ދިޔަ އެވެ. މިހުރިހާ ކަމަކާއެކު ވެސް އަމީރު ގެންދެވީ ހުއްޓާ ނުލައްވާ ބަޖެޓް ހުށަހަޅުއްވަމުންނެވެ.
ކޮމެންޓް
މިހާރު އެއުޅެނީ ޖެހިހާމަޅިގައި މިވެރިން ބެދިގެން ރާޑިވެގެންނެވެ. ތިއޮތީ ހުވާކުރުވަން ނަޝީދަށް ލިބިފައެވެ..ހެހެހެ
Republic of Maldives